Memleket basshysy Qasym-Jomart Toqaevtyń atyna shet memleketterdiń basshylarynan qasıetti Ramazan aıynyń bastalýyna oraı quttyqtaý jedelhattary kelip túsýde, dep habarlaıdy Egemen.kz Aqordanyń resmı saıtyna silteme jasap.
О́zbekstan Prezıdenti Shavkat Mırzııoev joldaǵan quttyqtaýynda eki el halqyn baılanystyratyn berik dostyq pen tatý kórshilik, strategııalyq seriktestik pen odaqtastyq qatynastardyń sońǵy jyldary qarqyndy damyp kele jatqanyn jazdy.
«О́zbekstan men Qazaqstan arasyndaǵy yntymaqtastyqtyń jan-jaqty keńeıýi kórshiles eki halyq pen memlekettiń órkendeýine ǵana emes, sondaı-aq búkil aımaǵymyzdaǵy beıbitshilikti, tynyshtyq pen turaqtylyqty qamtamasyz etýge yqpal etedi», delingen jedelhatta.
Saýd Arabııa Koroli Salman ben Ábdelazız Ál Saýd jáne Koroldiktiń Taq murageri Muhammed ben Salman ben Ábdelazız Ál Saýd Qasym-Jomart Toqaevty qasıetti Ramazan aıymen quttyqtap, oǵan zor densaýlyq, baqyt tiledi.
Sonymen qatar, Qasym-Jomart Toqaevty BAÁ Prezıdenti Halıfa ben Zaıd Ál Nahaıan, BAÁ vıse-prezıdenti, Premer-mınıstri, Dýbaı ámirliginiń bıleýshisi Muhammed ben Rashıd Ál Maktým, BAÁ Qarýly Kúshteriniń Joǵarǵy Bas qolbasshysynyń orynbasary Muhammed ben Zaıd Ál Nahaıan, Iordanııa Koroli II Abdalla, Kýveıttiń Taq murageri Meshal ál-Ahmed ál-Djaber as-Sabah, Marokko Koroli VI Muhammed, Bahreın Koroli Hamad ben Isa Ál Halıfa, Palestına Prezıdenti Mahmýd Abbas quttyqtady.