Qazaqstandyq jas tennısshiler Úndistandaǵy BJK kýbogynyń toptyq raýndyn sátti aıaqtap, 1/4 fınalǵa ótti. Endi qazaqstandyq sportshylar Avstralııa ókilderimen oınaıdy, dep habarlaıdy Egemen.kz QTF baspasóz qyzmetine silteme jasap.
Nıý-Delıde jasóspirimder arasyndaǵy komandalyq álem chempıonatyna toptyq irikteý kezeńiniń matchtary aıaqtaldy.
Qazaqstan quramasy toptyq kezeńniń sońǵy oıynynda Sıngapýr komandasyn 3:0 esebimen jeńip, shırek fınalǵa joldama aldy.
7 naýryzda qazaqstandyq tennısshiler jartylaı fınalǵa shyǵý úshin Juniors Billie Jean King Cup-ta bes ret jeńiske jetken Avstralııadan kelgen jasaqpen jarysady.
Sońǵy ret avstralııalyqtar 2011 jyly jeńiske jetken, jasyl qurlyqtyń ókilderi álemniń eks-birinshi raketkasy, úsh Úlken Dýlyǵa týrnıriniń jeńimpazy Eshlı Bartıdiń arqasynda jeńiske jetti.