2022 jylǵy 1 sáýirdegi jaǵdaı boıynsha Memlekettik eńbek ınspektorlary respýblıkanyń 230 kásipornynda 4,4 myń jumyskerdiń aldynda 866,4 mln teńgeden astam somaǵa jalaqy boıynsha bereshek baryn anyqtady, dep habarlaıdy Egemen.kz Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
«Osy kásiporyndardyń basshylaryna oryndalýy mindetti 134 nusqama berilip, 27 mln teńgeden astam somaǵa aıyppul salyndy. Qabyldanǵan sharalar, sonyń ishinde jalaqy boıynsha bereshekti óteýdiń qatań kesteleri men merzimderin belgileý nátıjesinde 3,2 myńnan astam jumyskerdiń quqyqtary qorǵaldy. Olarǵa 752,7 mln teńge tólendi», dep jazylǵan habarlamada.