Memleket basshysy Qasym-Jomart Toqaevtyń ókimimen Atyraý oblysynyń jańa ákimi taǵaıyndaldy, dep habarlaıdy Egemen.kz Aqordanyń resmı saıtyna silteme jasap.
«Serik Jambyluly Shápkenov Atyraý oblysynyń ákimi bolyp taǵaıyndalsyn, ol Qazaqstan Respýblıkasynyń Eńbek jáne halyqty áleýmettik qorǵaý mınıstri laýazymynan bosatylsyn», delingen qujatta.
Serik Shápkenov 2021 jyly qańtarda eńbek jáne halyqty áleýmettik qorǵaý mınıstri bolyp taǵaıyndalǵan edi.
Serik Shápkenov 1979 jyly Batys Qazaqstan oblysy Qaratóbe aýylynda týǵan. Batys Qazaqstan memlekettik ýnıversıtetin ekonomıst-matematık mamandyǵy boıynsha bitirgen.Eńbek jolyn 2000 jyly Batys Qazaqstan memlekettik ýnıversıtetinde oqytýshy bolyp bastady. Túrli jyldary Batys Qazaqstan oblysy ákiminiń apparaty qurylymynda jumys istedi.
2012-2015 jyldary Batys Qazaqstan oblysy ákiminiń birinshi orynbasary boldy.
2015-2016 jyldary - QR Prezıdenti Ákimshiliginiń Memlekettik baqylaý jáne aýmaqtyq uıymdastyrý jumysy bóliminiń memlekettik ınspektory, 2016-2018 jyldary Atyraý qalasy ákiminiń qyzmetin atqarǵan.