Birikken Ulttar Uıymynyń Adam quqyqtary jónindegi joǵarǵy komıssarynyń keńsesi Ýkraınadaǵy jaǵdaıǵa qatysty jańa aralyq málimetti jarııalady, dep habarlaıdy Egemen.kz Adam quqyqtary jónindegi joǵarǵy komıssar basqarmasy saıtyna silteme jasap.
Adam quqyqtary jónindegi joǵarǵy komıssar basqarmasy málimetinshe, 5 sáýir saǵat túngi 12:00-degi jaǵdaı boıynsha 3 776 beıbit turǵyn zardap shekken - 1 563 adam qaza taýyp, 2 213 adam jaralanǵan.
Qaza tapqandar ishinde - 379 er adam, 237 áıel, 24 qyz jáne 43 ul bala. Sondaı-aq, 63 bala men 817 eresek adam qaza bolǵan, olardyń jynysy áli anyqtalmaǵan.254 er adam, 196 áıel, 44 qyz jáne 40 ul, sondaı-aq jynysy áli belgisiz 104 bala men 1575 eresek adam jaralanǵan.
Qaza bolǵandar men jaralanǵandardyń kópshiligi oq-dáriler men jarylǵysh zattar, sonyń ishinde aýyr artıllerııa men zymyran shabýyly, sondaı-aq áýe soqqylary saldarynan zardap shekkeni aıtylǵan.
Bul statıstıka qujatqa tirkelgen qurbandarǵa ǵana qatysty. Adam quqyqtary jónindegi joǵarǵy komıssar basqarmasy naqty kórsetkishter áldeqaıda joǵary dep sanaıdy, óıtkeni keıbir jerden túsken habarlamalar keshigip, kóbi áli de rastalmaǵan.