Úkimet basshysynyń orynbasary Eraly Toǵjanov Senat depýtattarynyń kámeletke tolmaǵandar arasynda sýısıdtik minez-qulyqtyń aldyn alý boıynsha qabyldap jatqan sharalaryna qatysty joldaǵan depýtattyq saýaldaryna jaýap berdi, dep habarlaıdy Egemen.kz.
«Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń 2015-2021 jyldar aralyǵyndaǵy resmı derekterine sáıkes qabyldanǵan sharalar balalardyń sýısıd deńgeıin 12,5%-ǵa, ıaǵnı 201-den 175 jaǵdaıǵa deıin tómendetýge múmkindik berdi. Sonymen qatar 2021 jyldyń qorytyndysy boıynsha 2020 jylmen salystyrǵanda balalar sýısıdiniń 21,5%-ǵa ósýi tirkelgen. Dálirek aıtqanda, 144-ten 175 jaǵdaıǵa deıin», dep aıtty Toǵjanov.
Onyń sózinshe, 2021 jyly kórsetkishterdiń ósýine baılanysty balalar arasynda sýısıd faktileri men áreketterin boldyrmaý jónindegi sharalar ázirleý boıynsha vedomstvoaralyq jumys toby bekitildi jáne 2021-2022 jyldarǵa arnalǵan is-sharalar jospary ázirlendi.
«Baılanys týraly» jáne «Aqparattandyrý týraly» zańdarǵa áleýmettik jelilerge arnalǵan «onlaın-platforma», messendjerler úshin – «shuǵyl habarlamalarmen almasý servısi» túsinikterin engizý jolymen ınternet jelisinde quqyqqa qaıshy kontentke qarsy is-qımyl boıynsha zańnamalyq sharalardy bekitýdi retteıtin túzetýler engiziledi, sondaı-aq kámeletke tolmaǵandar arasynda býllıngke (kıberbýllıngke) qarsy is-qımyl jónindegi negizgi tetikter bekitiledi», delingen Eraly Toǵjanovtyń depýtattarǵa bergen jaýabynda.