Almaty Ortalyq meshitiniń uıymdastyrýymen Ramazan aıynda qala kóshelerinde 100 myń adamǵa sý men qurma taratyldy, dep habarlaıdy Egemen.kz.
Almaty Ortalyq meshitiniń uıymdastyrýymen qala kóshelerinde 25 tonna sý men Mekkeden arnaıy aldyrǵan 2 tonna qurma 100 myń adamǵa úlestirildi. Sharaǵa qala meshitteriniń din qyzmetkerleri men volonterlar jumyldyryldy.
«Bıyl qaladaǵy 52 meshittiń 47-sinde taraýıh namazynda quran hatym túsiriledi. Qalǵan 5 meshitte taraýıh namazy quran hatymsyz oqylady. Ramazan - quran aıy. Sol sebepti, osy aıda qala meshitterinde quran álippesi men namaz úıretý kýrstary júrgiziledi», dedi Almaty qalasynyń bas ımamy Tólebı Ospan.
T.Ospannyń aıtýynsha, Almaty ortalyq meshitinde «Ramazan shatyry» qurylyp, kúndelikti 500 kisige aýyzashar dastarhany jaıylady. Sonymen qatar qala meshitterinde de aýyzashar beriledi.