Semeı qalasynda bir aptada aıyppulyn tólemegen 93 júrgizýshiniń kóligi arnaıy turaqqa qoıyldy, dep habarlaıdy Egemen.kz qalalyq Polısııa basqarmasynyń baspasóz qyzmetine silteme jasap.
Sońǵy aptada shahar aýmaǵynda tártip saqshylary, jeke sot oryndaýshylary jáne prokýratýra ókilderiniń qatysýymen «Aıyppul tóle» sharasy ótkizildi.
«Sonyń aıasynda polısııa qyzmetkerlerine aıyppul boıynsha 57 767 279 teńge qaryzy bar 3826 adamnyń tizimi joldandy.
Reıd barysynda 1,1 mln teńgeden asatyn 110 ákimshilik aıyppul óndirilip alyndy. Jeke sot oryndaýshylaryna jalpy somasy 3 767 122 teńgeni quraıtyn 226 qaýly jiberildi», dep habarlady vedomstvo ókilderi.
Apta ishinde ákimshilik quqyq buzýshylyqtar boıynsha kóp mólsherde bereshegi bar 93 júrgizýshiniń avtokóligi arnaıy turaqqa qoıyldy.