Semeı qalasyndaǵy qos munaraly Ortalyq meshitte QMBD-nyń ókil ımamy Maqsat Altybaı qala turǵyny Aıdarhan Boranbaevqa, Malaızııa memleketinen arnaıy tapsyryspen alynǵan zaǵıp jandarǵa arnalǵan Braıl qarpindegi Qurandy syıǵa tartty.
Aıdarhan Boranbaev Almaty qalasyndaǵy zaǵıp jandarǵa arnalǵan beıimdeý ortalyǵynan braıl tásilinde quran úırenip bilim alǵan bolatyn. О́kil ımam óz sózinde: «Babalarymyz «kózi soqyrdan kókiregi soqyr jaman» dep beker aıtpaǵan, kózderi kóre tura Qurandy oqymaǵandar úshin bul – úlken ǵıbrat alatyn is. Osy alǵan bilimińdi tolyqtyryp, óziń sııaqty zaǵıp jandarǵa osy Qurandy úıretýdi Alla násip etsin», – dedi.
Aıdarhan Boranbaev ókil ımamǵa jáne Tas meshittiń bas ımamy Nurbek Nádirulyna, bilim alýyna qol ushyn bergen azamattarǵa óziniń júrekjardy tilegi men rızashylyǵyn bildirdi.
Raýshan NUǴMANBEKOVA.
SEMEI.