24 aqpannan beri Ýkraınadan 4,5 mıllıonnan astam adam ketip qaldy. Bul týraly BUU-nyń bosqyndar isi jónindegi joǵarǵy komıssarıat basqarmasy málimdedi, dep habarlaıdy Egemen.kz.
Reseı arnaıy áskerı operasııasyn bastaǵaly beri 2,5 mıllıonnan astam azamat Polshaǵa ótip ketken.
«Alǵashqy bes aptada Ýkraınadan tórt mıllıonnan astam bosqyn kórshi elder shekarasynan ótip ketken. Sondaı-aq el ishinde qonys aýdarýǵa májbúr bolǵandar sanynda esep joq. Olardyń bári qorǵaý men qoldaýdy qajet etedi», delingen BUU málimdemesinde.
9 sáýirdegi jaǵdaı boıynsha bosqyndardyń eń kóp sany – shamamen 2,6 mıllıon adam – Polsha shekarasyn kesip ótti. Rýmynııaǵa 686 myń, Vengrııaǵa 419 myń adam barǵan. Bosqyndar Moldovaǵa (410 myń), Reseıge (404 myń) jáne Slovakııaǵa (314 myń) da ketken. 7 sáýirde Belarýs eline 19 myń adam kirgen. 21-23 aqpan aralyǵynda Donesk pen Lýgansk oblystarynan Reseıge 113 myń adam qonys aýdarǵan.
Birikken Ulttar Uıymynyń baǵalaýynsha, basqa elderge ketken ýkraınalyqtar da kóp. Onyń ishinde Germanııa, Fransııa, Italııa, Chehııa jáne EO-nyń basqa elderi, sonymen qatar AQSh, Ulybrıtanııa jáne Avstralııa elderi ýkraınalyq bosqyndardy qabyldap jatyr.