Mádenıet pen ónerge ynta joǵary

Memleket basshysy Nursultan Nazarbaev Mádenıet mınıstri Arystanbek Muhamedıulyn qabyldady, dep habarlady Prezıdenttiń baspasóz qyzmeti. Qabyldaý barysynda Ulttyq mu­rajaıdy ashý máseleleri, EKPO-2017 ha­lyqaralyq kórmesine daıyndyqtyń mádenı aspektileri, sondaı-aq, mınıstr­­lik qyzmetiniń basty baǵyttary tal­qylandy. Memleket basshysy respýblıkada 8 myń jergilikti jáne 39 respýblıkalyq mádenıet mekemesi jumys isteıtinin, olardyń róli kúnnen kúnge ulǵaıyp kele jatqanyn atap ótti. – Sońǵy 10 jylda teatrǵa kelýshiler sany – 50 paıyzǵa, mýzeıge kelýshiler – 25 paıyzǵa, kitaphanaǵa kelýshiler – 40 paıyzǵa, konsert zaldaryna kelýshiler – 100 paıyzǵa, kınoteatrǵa kelýshiler sany 400 paıyzǵa kóbeıdi. Munyń bári halyqtyń ál-aýqatynyń artqanyn jáne mádenıetke, bilimge degen yntanyń óskenin bildiredi. Soǵan baılanysty osy saladaǵy kadrlardy sapaly daıarlaý, qyzmettiń biryńǵaı tájirıbelerin ázirleý máselesin qarastyrǵan jón. Ár oblysta memleket qarjylandyratyn 2 teatrdan bar. Búginde halyq arasynda olardyń qandaı jumys júrgizetinine, mádenı salmaǵy men qyzmetiniń sapasy qanshalyqty ekendigine kóbirek kóńil aýdarǵan jón, – dedi Nursultan Nazarbaev. Qazaqstan Prezıdenti jumysy kúsheıtilýge tıis birqatar baǵyttarǵa toqtaldy. – Azamattyq qoǵammen yntymaqtasý, memlekettik til úıretetin akkredıttelgen ortalyqtar jelisin qurýdy jalǵastyrý qajet. Áleýmettik tap­sy­rystar aıasynda barlyq shyǵar­ma­shylyq odaqtarmen, Qazaqstan hal­qy Assambleıasymen, Dúnıe­júzi qazaq­tarynyń qaýymdastyǵymen, «Bola­shaq» baǵdarlamasymen jumysty jan­dandyrý kerek. Áleýmettik mańy­zy bar ádebıetterge kelsek, halyq­qa qyzyqty, mazmuny sapaly shyǵar­ma­lar­dy shyǵarýǵa nazar aýdarý qajet. Biz jazýshylarǵa shyǵarmalaryn ba­syp shyǵarýy úshin qarajat bólip otyr­ǵan jalǵyz memleketpiz. Shyǵar­ma­lar el­diń ishinde de, syrtynda da biz­diń má­denıetimizdiń rólin arttyrýǵa baǵyt­talýy tıis, – dedi Memleket basshysy. A.Muhamedıuly Memleket basshy­sy­nyń Qazaqstan halqyna Joldaýynda berilgen tapsyrmalarynyń iske asyrylýy, sonyń ishinde Mádenı saıasat jáne halyqaralyq júıemen yq­paldastyqtyń uzaq merzimdi tujy­rymdamasynyń ázir­lený barysy týraly baıandady. Buǵan qosa, mınıstr Tilderdi damytý jáne olardyń qyzmeti jónindegi memlekettik baǵdarlamanyń iske asyrylýy týraly málimdedi. Mádenıet mınıstri vedomstvo al­dy­na qoıylǵan mindetterdiń biri qoǵa­mymyzdyń rýhanı damýy ekenin atap ótti. Qazaqstanda qazirdiń ózinde  sheberliktiń bıik deńgeıin kórsetip júrgen «Astana Opera» opera jáne balet teatry, uıǵyr, koreı jáne nemis teatrlary, basqa da má­denı mekemeler bar. Osy oraıda negizgi mindet – olardy halyqaralyq deńgeıge shyǵarý. Kezdesý qorytyndysynda Memleket basshysy qaralǵan máseleler boıynsha birqatar naqty tapsyrmalar berdi. ----------------------------------------- Sýretterdi túsirgender S.BONDARENKO, B.OTARBAEV.