Ádebıettanýshy ǵalym, fılologııa ǵylymdarynyń doktory, professor Temirhan Tebegenov dúnıeden ozdy, dep habarlaıdy Egemen.kz.
Fılologııa ǵylymynyń doktory, professor Tebegenov Temirhan Saqauly 18.11.1949 jyly Qyzylorda oblysy Qarmaqshy aýdanynda týǵan.
Qyzylorda pedagogıkalyq ınstıtýtyn (Qorqyt Ata atyndaǵy Qyzylorda memlekettik ýnıversıteti) bitirgen.
1972-1974 jyldary Qarmaqshy aýdany Qýańdarııa keńsharynda №186 orta mekteptiń, 1974-1981 jyldary Qyzylorda qalasynyń №10 Ybyraı Altynsarın atyndaǵy orta mekteptiń muǵalimi, tárbıe jumystary jónindegi meńgerýshisi qyzmetterin atqarǵan.
1981-1991 jyldary - Qorqyt Ata atyndaǵy Qyzylorda memlekettik ýnıversıtetiniń oqytýshysy.
1991-2005 jyldary - Abaı atyndaǵy Qazaq ulttyq pedagogıkalyq ýnıversıtetiniń professory.
Ǵalymnyń óleńderi, maqalalary respýblıkalyq gazet-jýrnaldarda, ǵylymı jınaqtarda jarııalanǵan.
Kóptegen eńbekteri Qytaı, Reseı, Tatarstan, Túrkııa, Qaraqalpaqstan elderinde jarııalanǵan. 300-ge jýyq maqalalardyń jáne 9 kitaptyń avtory.