Bul jańashyldyq 2023 jyldan bastap engizilmek. Bul týraly Nur-Sultan qalasy polısııa departamenti kóshi-qon qyzmeti basqarmasynyń basshysy Arman Baımuhamet aıtty, dep habarlaıdy Egemen.kz.
Spıkerdiń aıtýynsha, aldaǵy jyly elorda turǵyndaryna jeke qujat berilgen sátte saýsaq izi alynady.
«2023 jyldan bastap jeke basyn kýálandyratyn qujattardy alǵan nemese aýystyrǵan kezde saýsaq izin engizýdi júzege asyrý josparlanǵan. Qazir atalǵan jańashyldyq Saryarqa aýdandyq halyqqa qyzmet kórsetý ortalyǵynda pılottyq rejımde júzege asyp jatyr. Bul zańsyz qujat qaýpin tómendetedi», deıdi Nur-Sultan qalasy polısııa departamenti kóshi-qon qyzmeti basqarmasynyń basshysy.
Sonymen qatar spıker jeke basyn kýálandyratyn qujatty berý mehanızmi jetildirilgenin atap ótti.
«Bıyl 3 aıdyń ishinde 48 myń 744 tólqujat pen jeke kýálik berildi. Qujattardy daıyndaýǵa ketetin ýaqyt ta qysqardy. Iаǵnı jalpy tártipke sáıkes 20 jumys kúni ishinde, al jedeldetilgen tártipte 1 jáne 3 jumys kúninde qujat daıyn bolady», dedi basqarma basshysy.