Yntymaqtastyqqa yqylas joǵary

Qazaqstan elshisi B.Shabarbaev Pákistan Parlamenti Ulttyq Assambleıasynyń spıkeri S.Sadıkpen kezdesti, dep habarlady QR SIM-iniń baspasóz qyzmeti. Taraptar ekijaqty ynty­maq­tastyq, sonyń ishinde saıası jáne saýda-ekonomıkalyq qaty­nastardyń aspektileri, son­daı-aq, kópjaqty pishinde ózara árekettesýshilik másele­lerin talqylady. Elshi spı­ker­di Qazaqstan Pre­zı­den­ti N.Na­zar­baevtyń «Qa­zaq­stan joly – 2050: bir maq­sat, bir múdde, bir bola­shaq» Joldaýynyń negizgi maq­sat­tarymen tanystyrdy. Eki jaq elder arasyndaǵy qatynastardyń jandana tús­kenin atap ótti. Atap aıtqanda, Gaaga qalasyndaǵy Iаdrolyq qaýip­sizdik sammıtiniń alańyn­da Qazaqstan Prezıdenti Nur­sultan Nazarbaevtyń Pákis­tan premer-mınıstri Navaz Sharıfpen eki­jaqty kezdesýi, sondaı-aq, Jene­vadaǵy 130-Par­lamentaralyq Odaq Assam­­bleıasyna qatysý sheń­berinde S.A.Sadıktiń Qazaq­stan Parlamenti Májili­siniń Tóra­ǵasy Nurlan Ny­ǵ­ma­tý­lın­men kezdesýi ótken bolatyn. Ekijaqty yntymaqtastyq sheń­berinde suhbattastar eki el bas­­­shylyǵynyń saparlary, Astanadaǵy saý­da-ekonomıkalyq, ǵylymı-tehnı­kalyq jáne mádenı ynty­maq­tastyq boıynsha Qazaqstan-Pákistan memleketaralyq komıssııasynyń kezekti otyrysyn ótkizý jáne basqa da máselelerdi talqylady. Sony­men qatar, Qazaqstan Pre­zıdenti N.Nazarbaevtyń bastamasymen qurylǵan IYU Azyq-túlik uıymynyń Jarǵysyna Pá­kistannyń qosylý múmkindigi qarastyryldy. Pákistan Parlamenti tómengi palatasynyń spıkeri ústimizdegi jyly Qazaqstanǵa resmı saparmen barý nıeti bar ekenin bildirdi.