El Prezıdenti Qasym-Jomart Toqaevtyń bıylǵy Joldaýynda aıtylǵan jańa saıası reformalar saıası transformasııanyń logıkalyq jalǵasy bolyp sanalady. Al saıası reforma – Joldaý aıasynda qoıylǵan basty talap.
Bul Joldaýdyń jergilikti halyqqa, jalpy, belsendi azamattar, úkimettik emes uıymdar, jalpy azamattarǵa tıgizetin paıdasy qandaı? Budan shyǵatyn nátıje qandaı? Osyndaı suraqtarǵa keletin bolsaq, saılaý júıesin ózgertý jáne saıası partııalarǵa baılanysty birshama bastamalardy mysalǵa keltirýge bolady. Máselen, buǵan deıin oblys ákimi, oblys ákiminiń orynbasary partııa fılıaldarynyń basshysy bolatyn bolsa, endi zańdy túrde partııa fılıalynyń basshysy bola almaıdy. Oblys ákimi men orynbasary endi máslıhatpen tepe-teń jumys isteıtin bolady. Bul ózgeris ekinshi jaǵynan jańa saıası partııalardyń paıda bolýyna alǵysharttar jasaıdy. Joldaýda aıtylǵan taǵy bir mańyzdy másele – qoǵamdyq keńesterdiń jumystaryn qaıta qurý. Qoǵamdyq keńesterdiń qurylýynyń basty máselesi qazirgi memlekettik organdar bolsyn, máslıhat bolsyn, basqa da uıymdarda bıýdjettiń ashyqtyǵyna óziniń septigin tıgizý bolyp sanalady.
Qazbek MAIGELDINOV,
Qazaqstandyq qoǵamdyq damý ınstıtýtynyń basqarma tóraǵasy