Qazaqstandyq tennısshi Denıs Evseev juptyq synda Madrıd chellendjer týrnıriniń jartylaı fınalyna shyqty, dep habarlaıdy Egemen.kz.
Denıs Evseev túrkııalyq Altýg Chelıkbılekpen birge shırek fınalda ýrýgvaılyq Martın Kýevas, argentınalyq Gılermo Dıýranmen synǵa tústi.
Qazaqstandyq-túrkııalyq jup 7:6 (7:2), 6:4 esebimen jeńiske jetti.
Bir saǵattan astam ýaqytqa sozylǵan báseke barysynda D.Evseev pen A.Chelıkbılek 1 eıs jasap, 9 breık-poınttyń úsheýinde basym tústi. Qarsylastary 5 eıs, 2 breıkpen kózge tústi.
Qazaqstandyq-túrkııalyq jup fınalǵa shyǵý úshin jarystyń ekinshi raketkalary, brazılııalyq Rafael Matos – ıspanııalyq Davıd Vega-Ernandespen talasady.
Eske salsaq, budan buryn Germanııanyń birinshi raketkasy Qazaqstanmen matchtyń qıynǵa túsetini týraly aıtqanyn, Aleksandr Býblıktiń Monte-Karlo masters týrnıriniń úshinshi aınalymyna shyǵa almaǵanyn jazǵan bolatynbyz.
Sondaı-aq Qazaqstan – Germanııa matchynyń jerebesi tartyldy. Qazaqstan quramasy alǵash ret aımaqtyq Devıs kýbogynyń jartylaı fınalyna