Úkimet «Qarapaıym zattar ekonomıkasy» baǵdarlamasy men «Bıznestiń jol kartasy» aıasynda bıznesti qoldaý sharalaryn jalǵastyrady. Bul týraly Premer-Mınıstr Álıhan Smaıylov Úkimet otyrysynda aıtty, dep habarlaıdy Egemen.kz.
«Úkimet «Atameken» Ulttyq palatasymen birge bıznesti damytýǵa qolaıly jaǵdaı jasaý úshin júıeli jumys júrgizip keledi. Kásipkerlikti damytý jónindegi Ulttyq joba bekitilip, kásipkerlik qyzmet salasynda jańa retteý saıasatyn engizý máseleleri týraly Zań qabyldandy. О́z kezeginde Úkimet «Qarapaıym zattar ekonomıkasy» baǵdarlamasy men «Bıznestiń jol kartasy» aıasynda qoldaý sharalaryn jalǵastyrady», dedi Úkimet basshysy.
Sondaı-aq ol shaǵyn jáne orta kásipkerlikti damytýtyń 2030 jylǵa deıingi tujyrymdamasy aıasynda qandaı ister qolǵa alynatynyn atady.
«Bul qujatqa sáıkes, shaǵyn jáne orta bıznestiń damýyna jańa serpin berý úshin qajetti ınstıtýsıonaldyq jaǵdaılar men alǵysharttar qabyldanatyn bolady», dedi Premer-Mınıstr.