Ortalyq saılaý komıssııasynyń (OSK) tóraǵasy Nurlan Ábdirov Pavlodar oblysyndaǵy jumys sapary kezinde Baıanaýyl aýdanynyń Jańatilek aýylyndaǵy №189 saılaý ýchaskesinde bolyp, aýyldyq okrýg ákiminiń saılaný barysymen jáne ýchaskelik saılaý komıssııasynyń jumysymen tanysty.
Aýyl turǵyndarymen kezdesý kezinde jańatilektikter aýyl ákiminiń saılaýyna qatysty oı-pikirlerin ortaǵa saldy. Olar alǵash ret aýyl ákimin balamaly negizde ózderi saılaý quqyǵyna ıe bolyp otyrǵandaryn jetkizdi. «Qoǵamdyq kelisim» ǵımaratynda ótken jıynda N.Ábdirov saıası partııalar, úkimettik emes uıymdar, BAQ ókilderi, qoǵam belsendileri, blogerler, Pavlodar oblysynyń saılaý komıssııalarynyń múshelerimen kezdesip, Joldaýda aıtylǵan saılaý júıesin jetildirý máselesi tóńireginde pikir almasty.
Kezdesý barysynda jurtshylyq ókilderi Memleket basshysynyń Joldaýynda Ortalyq saılaý komıssııasynyń tóraǵasy men músheleriniń saıası partııalardan mindetti túrde shyǵýy týraly aıtqan bastamasyn qoldaıtyndyqtaryn jetkizdi. Jıynda Jalpyulttyq sosıal-demokrattııalyq partııa fılıalynyń tóraǵasy A.Saǵandyqova saıası partııalardyń Májiliske ótý shegin 5-ten 3%-ǵa deıin tómendetýdi usyndy. Onyń pikirinshe, mundaı shara partııalardyń qoǵamdyq-saıası ómirdegi belsendiligin arttyrýǵa jáne olardyń zań shyǵarýshy bıliktiń joǵary organyndaǵy ókildigin kóbeıtýge yqpal etpek. Al «Qazaq zaǵıp jandar qoǵamy» qoǵamdyq birlestiginiń ókilderi jergilikti atqarýshy organdardyń saılaý komıssııalarymen birlesip, daýys berý úshin qajetti jaǵdaılardy qamtamasyz etý kerektigin alǵa tartty.
«Aq jol» partııasynyń ókili Q.Sadyrbaev barlyq saılaý ýchaskelerin beınebaqylaý quraldarymen jabdyqtap, olardy ınternet arqyly taratý múmkindigin qolǵa alýdy usyndy. Onyń pikirinshe, bul azamattardyń saılaý ınstıtýtyna degen senimin arttyrady.
Basqosýda elektrondy daýys berýdi engizý máseleleri de qozǵaldy. Qatysýshylardyń barlyǵy derlik qaǵaz bıýlletenderdi paıdalana otyryp, dástúrli daýys berýdi ótkizýdi qoldady. Al keıbir qatysýshylar elektrondy daýys berýdi engizýdi usyndy.
О́ńirge sapar aıasynda N.Ábdirov joǵary oqý oryndary jáne kolledj stýdentterimen de kezdesti. Dástúrli basqosý barysynda 2019 jyly TMD Parlamentaralyq Assambleıasy uıymdastyrǵan «Álem elderiniń saılaý júıeleri» halyqaralyq olımpıadasyna qatysqan jastar tájirıbesin aıtyp, elimizde de osyndaı is-sharalar ótkizýdi usyndy. Sondaı-aq olar orta jáne joǵary oqý oryndarynda elektorattyq oqytý boıynsha fakýltatıvtik kýrstardy engizý qajettigi týraly másele kóterdi.
Oblystyq máslıhat depýtaty S.Jartybekov proporsıonaldy saılaý júıesi boıynsha Májilis pen máslıhattardyń depýtattaryn saılaý kezinde partııalar ashyq tizim qoldanýǵa tıis degen oıyn ortaǵa saldy. Onyń pikirinshe, bul saılaýshylardyń tek partııaǵa emes, depýtattyq korpýsqa usynylatyn naqty kandıdattardyń kimder ekenin bile otyryp daýys berýge múmkindik bermek. Al «Jasyl El» ekologııalyq uıymynyń ókili R.Samabekova jastar arasynan Májilis jáne máslıhat depýtattyǵyna kandıdattar úshin saılaý jarnasynyń mólsherin azaıtýdy usyndy. «Bul jastardy saılaý quqyǵyn paıdalanýǵa yntalandyra túsedi», deıdi ol.
Kezdesýge qatysýshylar saılaý komıssııalaryna aqparattyq-túsindirý jumystary aıasynda áleýmettik jelilerdi belsendi paıdalanýdy usyndy. Olardyń pikirinshe, osyndaı aqparattyq resýrstardyń arqasynda jastardyń saılaý prosesterine degen qyzyǵýshylyǵyn arttyrýǵa bolady.
Amanat partııasynyń ókili Danııar Aıtyshev saılaý prosesiniń ózekti máselelerin, onyń ishinde jastardy quqyqtyq aǵartý jáne olardyń elektorattyq belsendiligin arttyrý máselelerin talqylaý úshin Ortsaılaýkom janynan Jastar alańyn qurý múmkindigin qarastyrý týraly usynys kóterdi.
Kezdesýge qatysýshylar jastardy saılaý prosesine eriktiler men baıqaýshylar retinde ǵana emes, saılaý komıssııalarynyń quramyna da tartý qajettigin atap ótti.
Pavlodar oblysy