Memleket basshysy Qasym-Jomart Toqaev «Memlekettik apparat qyzmetin bıýrokratııasyzdandyrý jónindegi sharalar týraly» Jarlyqqa der kezinde qol qoıǵany barshamyzdy qýantyp otyr. Bul qujat halyqtyń kókeıindegi kóp túıinniń tarqaýyna sep bolady ári tıimdiligimen eldiń kóńilinen shyǵady dep sanaımyn. О́ıtkeni halyq ár sheneýniktiń aldynda tabanyn tozdyryp júrýden tıtyqtady. Azamattar qandaı da bir máseleniń qysqa merzimde sheshimin tapqanyn qalaıdy. Prezıdent bul jaǵdaıdan tolyqqandy habardar ekenin dáleldedi.
El Prezıdenti birshama ýaqyt buryn jańa Qazaqstandy qurýǵa nıetti ekenin málimdegeni barshamyzǵa málim. Al jańa sıpattaǵy memleket qaı kezde de eldiń kókeıkesti máselelerin nazardan tys qaldyrmaýy qajet. Halyqtyń suranysyn qanaǵattandyrý – biz aıtyp otyrǵan Jańa Qazaqstannyń basty mindeti. Sondyqtan da osy Jarlyqtaǵy negizgi basymdyqtar Jańa Qazaqstandy qurýdyń alǵashqy qadamdarynyń naqty dáleli deýge ábden bolady.
Jarlyq memlekettik apparat jumysynyń tıimdiligin arttyratyny daýsyz. Birinshi kezekte Qazaqstan azamattarynyń shaǵymdary men usynystary der kezinde qaralyp, ýaqtyly sheshimin tabatyn bolady. Elge de keregi osy. Salystyrmaly túrde aıtatyn bolsaq, buryn bul prosess óte kóp ýaqytty alǵany barshaǵa belgili. Qujat ataýly bir qoldan ótip, ekinshi bir qolǵa jetip, sodan keıin taǵy basqa adamdardyń qaraýyna túsip jatatyn. Mundaı jaǵdaı árıne, halyqqa tıimsiz edi. О́ıtkeni azamattar altynǵa bergisiz ýaqytyn ár jerge bir júgirýmen joǵaltyp jatatyn. Endi prosess jedeldetilip, ár kóshbasshy máselelerdi joǵaryǵa joldap, qarap otyra bermeı, belgili bir deńgeıde ózi sheshe alady. Jarlyq sonysymen de jurtshylyqqa yńǵaıly bolyp tur.
Árıne, zaıyrly memlekettiń bir qaǵıdaty kez kelgen prosesti jedel sheshýmen baılanysty bolsa kerek. Sol turǵydan alyp qaraıtyn bolsaq, Jarlyq óz deńgeıinde oryndalǵan kezde biz ózimizdiń zaıyrly, quqyqtyq memlekette ómir súrip jatqanymyzdy tolyqqandy sezine túspekpiz. Toqsan aýyz sózdiń tobyqtaı túıini sol, bul zań eń bastysy, Qazaqstan halqynyń kóńilinen shyǵatyndyǵyna senimim kámil.
Esbergen ALAÝHANOV,
Qazaqstannyń eńbek sińirgen qaıratkeri,
zań ǵylymdarynyń doktory, professor