Premer-Mınıstrdiń orynbasary - saýda jáne ıntegrasııa mınıstri Baqyt Sultanov pen Qyrǵyzstannyń Mınıstrler Kabıneti tóraǵasynyń birinshi orynbasary Arzybek Kojoshev onlaın-kelissózder ótkizdi, dep habarlaıdy Egemen.kz.
Qyrǵyzstannyń Mınıstrler Kabıneti atap ótkendeı, iske asyrylatyn sharalar shekaradaǵy júk kólikteriniń kezegin azaıtýy kerek.
Memlekettik kirister komıteti Qyrǵyzstannan tasymaldanatyn taýarlarǵa elektrondyq shot-faktýralarsyz júk kólikteriniń shyǵýyna jol bermeıdi.
Qazaqstan Respýblıkasynyń MKK EAEO elderine tranzıtpen ótetin elektrondyq shot-faktýralary bar júk kólikterin teksermeıdi.
Qyrǵyzstan men Qazaqstan MKK salyq qyzmetiniń basshylyǵy WhatsApp-ta top qurady, onda júk kólikterin qaıtarý kezinde sebepteri men basqa da egjeı-tegjeıleri habarlanady.
Jaqyn kúnderi qazaq-qyrǵyz shekarasyndaǵy júk kólikteriniń keptelisin joıý úshin eki eldiń shekara qyzmetteriniń jumysy kúsheıtiledi.
Naýryz aıynda beınekonferensııa rejıminde kelissózder ótip, Qazaqstan men Qyrǵyzstan shekarada júk kólikteriniń jınalýyna jol bermeýge kelisti.
Aqpan aıynda qyrǵyzstandyq tasymaldaýshylar Qazaqstannyń kedenshileri shekarada «negizsiz» tekserýler júrgizip jatyr dep shaǵymdanǵan bolatyn.