Bosanǵannan keıin qaıtys bolý jaǵdaılary negizinen Qarasaı, Panfılov, Eńbekshiqazaq aýdandary men Qapshaǵaı qalalarynda bolǵan. Bul týraly Almaty oblystyq Densaýlyq saqtaý basqarmasynyń basshysy О́mirzaq Nııazbekov aıtty, dep habarlaıdy Egemen.kz.
Dárigerlerdiń aıtýynsha, analardyń basym bóligi koronavırýs juqtyrǵannan keıin basqa da dertterdiń qozýynan kóz jumǵan. Bul «Deni saý ult» jobasyndaǵy kórsetkishter boıynsha óńirdiń deńgeıin tómendetip otyr.
Taldyqorǵanda ótken alqaly jıynda bıyl mundaı qaıǵyly oqıǵalarǵa jol bermeý joldary qarastyryldy. Qalada mamandardy oqytý, qajetti qural jabdyqtar satyp alý máseleleri qolǵa alynbaq. Sondaı-aq náreste ólimi boıynsha da oblystyń kórsetkishteri respýblıka boıynsha edáýir joǵary. Basty sebep - maman tapshylyǵy.
«Qazirgi tańda Almaty oblysynda 292 dáriger jetispeıdi. Soǵan qaraı qazirgi tańda Almaty oblysynyń ákimi bizge tapsyrma berip otyr. Birinshiden, ol úı máselesi sheshilý kerek. Sol kezde mamandardyń da jumys isteýge qyzyǵýshylyǵy artady dep oılaımyz», dedi basqarma basshysy.