Bıyl Qazaqstan Grýzııa arqyly 2-3 mln tonnaǵa deıin munaı tasymaldaýdy josparlap otyr, dep habarlaıdy Egemen.kz.
Grýzııanyń ekonomıka jáne turaqty damý mınıstrliginiń málimetinshe, vıse-premer, ekonomıka mınıstrliginiń basshysy Levan Davıtashvılı Qazaqstan Prezıdentiniń arnaıy ókili Erjan Qazyhanov bastaǵan qazaqstandyq delegasııamen kezdesti.
Qos tarap Grýzııa men Qazaqstan arasyndaǵy saýda-ekonomıkalyq jáne kólik-logıstıkalyq máselelerdi talqyǵa salyp, bul salalarda eki eldiń áleýeti joǵary ekenin atap ótti.
«Qazaqstandyq tarap grýzın dálizi boıynsha júk aınalymyn ulǵaıtýǵa múddeli. 2022 jyly Qazaqstan Grýzın dálizi boıynsha 2-3 mln tonnaǵa deıin munaı tasymaldaýdy josparlap otyr. Sondaı-aq aldaǵy jyldary bul kórsetkishti odan ári arttyrmaq», dep jazylǵan habarlamada.
Kezdesýde Grýzııanyń kólik ınfraqurylymy Qazaqstan men Ortalyq Azııa elderinen Eýropaǵa júk tasymaldaýǵa barynsha daıyn ekeni aıtyldy.
Aıana Toǵanbek