1 mamyr – Qazaqstan halqynyń birligi kúni. Bıyl elordada mereke qalanyń barlyq aýdanynda keńinen atap ótiledi. Qala turǵyndary men qonaqtary úshin konsertter, sporttyq jarystar, kórmeler, chellendjder jáne basqa da sharalar uıymdastyrylady, dep habarlaıdy Egemen.kz Nur-Sultan ákimdiginiń saıtyna silteme jasap.
1 mamyrda elordada EKSPO kórmesi alańynda Qazaqstan halqynyń birligi kúnine arnalǵan sporttyq-buqaralyq is-shara ótedi. Qala turǵyndary ulttyq sport túrleri boıynsha, onyń ishinde asyq atý, qol kúresi, arqan tartý jáne gir kóterýden jarystarǵa qatysa alady. Jeńimpazdar baǵaly syılyqtarmen marapattalady.
Sonymen qatar, bul kúni tórt alańda shyǵarmashylyq ujymdar men elorda ártisteriniń qatysýymen konserttik baǵdarlamalar uıymdastyrylady. Konsertter EKSPO aldyndaǵy alańda, Jazýshylar alleıasynda, Demalys Promenade, Stýdentter saıabaǵynda ótedi.
1 mamyr kúni Mýzykalyq jas kórermen teatrynda «Shámshi» mıýzıkli kórsetilse, elordalyq qýyrshaq teatry «Aldar jáne onyń dostary» konserttik baǵdarlamasy qoıylady.
Sırk baǵdarlamasyn 30 sáýir men 1 mamyr kúnderi áleýmettik jelilerdegi paraqshalarda Astanalyq sırk ártisteri onlaın rejıminde kórsetedi. Sonymen qatar, qalanyń Birikken mýzeıleri dıreksııasynyń barlyq vedomstvolyq baǵynysty mekemeleri resmı akkaýnttarda qazaqstandyqtardy merekemen quttyqtap, ataýly kún týraly tanymdyq aqparattarmen bólisetin bolady.
Merekege oraı aýdandyq ákimdikterde kópbalaly analardy «Altyn alqa» jáne «Kúmis alqa» tós belgilerimen marapattaý ótedi. 1 mamyrda Esil aýdanynyń ákimdigi «Botanıkalyq baq» kesheninde Ashyq esik kúni aıasynda tegin ekskýrsııa uıymdastyrady, al Baıqońyr aýdanynyń ákimdigi etnomádenı birlestikteriniń ókilderimen birge aǵash otyrǵyzady.
Sonymen qatar, aýdandyq ákimdikterdiń áleýmettik jelilerdegi paraqshalarynda mamyr aıyna qaraı álemniń túrli tilderinde óleń oqý boıynsha chellendj, oqýshylar arasynda «Qazaqstan – bizdiń ortaq úıimiz» atty sýretter konkýrsy ótkiziledi.
29 sáýirde №5 jáne №68 mektep-gımnazııalarynda «Yntymaǵy jarasqan – kópultty Qazaqstan», «Qazaqsatan – dostyq mekeni» biryńǵaı sabaǵy ótedi. M.О́temisov atyndaǵy Oqýshylar saraıynda túrli etnostardyń balalary arasynda zııatkerlik oıyndarynyń jeńimpazdary marapattalady. Al №60 mektep-lıseıde «Bir shańyraq astynda» atty kitap-ıllıýstrasııalyq kórmelerdiń tusaýkeserlerin tamashalaýǵa qatysqan úzdikter marapattalady.
Sonymen qatar, 29 sáýirde paralımpıadalyq jattyǵý ortalyǵynda múmkindigi shekteýli jandar arasynda ústel tennısinen ashyq qalalyq týrnır uıymdastyrylady.
Birlik kúnine arnalǵan konserttik baǵdarlamalar «Sharapat» jáne «Nurly júrek» áleýmettik qyzmet kórsetý ortalyqtarynda, ómirlik qıyn jaǵdaıǵa tap bolǵan adamdardy qaıta áleýmettendirý ortalyǵynda ótedi. 1 mamyrda konsert «Úmit» daǵdarys ortalyǵynda da uıymdastyrylady.
Elordanyń Balalar kórkemsýret mektebinde 29 sáýir men 1 mamyr aralyǵynda «Halyq dostyǵy – el birligi» panoramalyq kórmesi jumys isteıdi.
Sonymen qatar, mereke qurmetine qalada fýtboldan sporttyq jarystar, «Sport – meniń tańdaýym» ulttyq sport túrleri boıynsha jarystar, sondaı-aq basketbol, voleıbol jáne fýtbol sport túrlerinen týrnırler ótkiziledi. №2 óner mektebinde «Dostyq bulaǵy» ekspozısııasy qorytyndylanyp, jeńimpazdar marapattalady.
30 sáýirde Nur-Sultanda «Shattyq» shyǵarmashylyq festıvaliniń saltanatty jabylýy ótedi, onda barlyq sanattar boıynsha syılyq ıegerleri anyqtalady.
Bul kúnderi qalalyq Qazaqstan halqy Assambleıasynyń etnomádenı birlestikteriniń basshylary men ókilderi de ózderiniń vıdeo-quttyqtaýlaryn daıyndap otyr.
1 mamyr kúni M.О́temisov atyndaǵy Oqýshylar saraıynda jeksenbilik mektepteri «Men, sen, ol, bárimiz – tutas eldiń sánimiz» chellendjin uıymdastyrady. «Kóp ultty, tatý elim – Qazaqstan» konserttik baǵdarlamasy №1 balalar mýzykalyq mektebinde ótedi. Dál osy kúni «Jetisý» saıabaǵynda elordalyq QHA etnomádenı birlestikteriniń ókilderi konsert qoıady.
Dostyq úıinde Qazaqstan halqynyń birligi kúnine arnalǵan «ANK Live» stýdııasynyń tikeleı efıri, al №7 balalar-jasóspirimder sport mektebinde toǵyzqumalaq pen qazaqsha kúresten týrnır ótedi.
Birikken mýzeıler dıreksııasy merekege oraı «Ulttyq birlik – uly baılyq» kórmesin usynyp, «Qazaqstan birligi – halyqtar dostyǵynda!» is-sharasyn ótkizedi.
«Jetisý» saıabaǵynda qalanyń jas turǵyndary men qonaqtary balalar arasyndaǵy ulttyq sport túrleri boıynsha jarystarda baq synaı alady. Eń myqty qatysýshylar estelik syılyqtar men marapattarǵa ıe bolady.
Sonymen qatar «Tamerlan», «Bereke» jáne «Báıterek» balalar úıi tárbıelenýshileri arasynda shahmat týrnıri ótkiziledi.
«Jastar» saraıynda bul kúni «Dostyq - bizdiń tiregimiz» merekelik baǵdarlamasyna qatysýǵa bolady, al 2 mamyrda «Naz» memlekettik bı teatry kórermenderdi «Qazaqstan – dostyqtyń kıeli besigi» konsertine shaqyrady.
Birlik merekesine oraı qalalyq ortalyqtandyrylǵan kitaphana júıesi birqatar is-sharalar daıyndady. 28 sáýir kúni № 9 buqaralyq kitaphanada «Parasat joly» baǵdarlamasy aıasynda «Biz birgemiz jáne tatýmyz» atty áńgime-sholý ótedi, kúndiz №9 balalar kitaphanasynda «Biz bir halyqpyz, bir elmiz» atty ádebı saǵat ótedi, al № 8 balalar kitaphanasy «Bárimiz bul jerden oryn tabamyz. Qazaqstan – bizdiń ortaq, meıirimdi úıimiz!» horovody ótedi.
№ 7 buqaralyq kitaphanada «Dostyq ánin shyrqaıyq» fleshmoby jáne «Tatýlyq – dostyqtyń kıeli besigi» patrıottyq saǵaty uıymdastyrylady, №5 balalar kitaphanasy «Biz – bir halyqpyz, biz – bir elmiz» ádebı karnavalyna shaqyrady. №5 buqaralyq kitaphanada «Birlik, kelisim, beıbitshilik» bılıoekspozısııasy, al №10 buqaralyq kitaphanada «Ult birligi – uly baılyq» kórme-panoramasyn daıyndaýda.