Eýrazııa ulttyq ýnıversıtetinde elordalyq JOO túlekteri men elordanyń jumyssyz jastary úshin bos jumys oryndar jármeńkesi ótti. Jármeńkeni «Astana jastary» KMM uıymdastyrdy, dep habarlaıdy Egemen.kz elorda ákimdiginiń resmı saıtyna silteme jasap.
Uıymdastyrýshylar jármeńkeniń maqsaty jumyssyz azamattardy, bilim berý uıymdarynyń túlekterin jáne jastardy jumys berýshi men jumys izdeýshi arasyndaǵy tikeleı baılanys arqyly jumysqa ornalastyrý bolyp tabylatynyn atap ótti.
Aıta keteıik, jármeńkege qalanyń 30-dan astam jumys berýshisi qatysyp, bos jumys oryndaryn usyndy. Jastar úshin bul bos jumys oryndary naryǵyn ózderi qalaǵan salada zertteýge jáne birneshe jumys berýshilermen bir jerde tikeleı sóılesýge tamasha múmkindik.
Aıta ketý kerek, bos oryndar jármeńkesi kompanııalar úshin de, izdenýshiler úshin de aqysyz negizde ótkiziledi.
Sonymen qatar, jármeńkede halyqty jumyspen qamtý, «Bastaý Bıznes» baǵdarlamasy boıynsha keńes alýǵa jáne memlekettik granttar týraly bilýge bolady.
«Mundaı is - sharalarǵa qatysýdyń mansaptyq jolyn bastaǵan jas urpaq úshin mańyzy zor, óıtkeni ol qyzmettiń eń qyzyqty salalaryn jáne qyzmetker retinde óziniń «qunyn» anyqtaýǵa kómektesedi», dep atap ótti «Astana jastarynda».