Túrkistan oblysynda kolonııaǵa jasyryn kamerasy bar kózildirik ótkizýge tyrysqan adam ustaldy, dep habarlaıdy Egemen.kz Polisia.kz saıtyna silteme jasap.
Shymkent qalasy jáne Túrkistan oblysy boıynsha QAJ departamentiniń jedel bóliminiń qyzmetkerleri portatıvti kamerasy bar erekshe sálemdemeniń kolonııa aýmaǵyna kirýiniń aldyn aldy. Sottalǵandardyń biriniń atyna poshtamen kelgen banderoldi tekserý barysynda jasyryn mıkro-beınebaqylaý kamerasy ornatylǵan arnaıy kózildirik alynyp, tárkilendi. «Tosyn syıy» bar sálemdeme shamamen buryn sotty bolǵan, qazirgi kezde mekemede aýyr jáne asa aýyr qylmystar (adam urlaý, bopsalaý, terrorızm) úshin 14 jylǵa sottalǵan azamattyń atyna kelgen.
Atalǵan fakti boıynsha oqıǵa ornyna jedel-tergeý toby kelip, materıaldar prosessýaldyq sheshim qabyldaý úshin joldandy. Birneshe ret eskertýlerge, sondaı-aq zańsyz is-áreketterge qarsy júrgiziletin sharalarǵa qaramastan, penıtensıarlyq mekemeniń aýmaǵynda paıdalanýǵa tyıym salynǵan zattar men taýarlardyń túsýi áli de jalǵasýda.
«Jyl basynan beri Shymkent qalasy men Túrkistan oblysy boıynsha qylmystyq-atqarý júıesiniń qyzmetkerleri sálemdemeler men banderolder arqyly keletin tyıym salynǵan zattardy berýdiń 20-dan astam áreketiniń jolyn kesti. Kóbinese bul esirtki zattary men uıaly telefondar. Alaıda biz úshin bundaı erekshe qurylǵynyń tárkilenýi alǵash ret bolyp otyr. Buǵan deıin óńirde osyǵan uqsas faktiler tirkelmegen», deıdi óńirlik QAJ departamenti.