Senator Lázzat Súleımen Ahmet Baıtursynov atyndaǵy Til bilimi ınstıtýtynyń ǵalymdarymen kezdesti, dep habarlaıdy Egemen.kz.
Depýtat kezdesý barysynda ınstıtýt ǵalymdarynyń jumysyn joǵary baǵalady jáne memlekettik tildi damytýǵa qosqan úlesi úshin búkil ujymǵa alǵys aıtty. Senator ınstıtýt aktıvimen birge Konstıtýsııaǵa engiziletin túzetýler boıynsha aldaǵy referendýmdy da talqylady.
«Elimizdiń bolashaǵy úshin aldaǵy referendýmnyń mańyzy zor. Azamattar osylaısha konstıtýsııalyq reformany júzege asyrýǵa tikeleı qatysyp, bolashaqtaǵy jańa Qazaqstan úshin daýys bere alady. Usynylyp otyrǵan túzetýler boıynsha óz pikirin bildirý úshin qazaqstandyqtardyń basym bóligi saılaý ýchaskelerine keledi dep senemin», dedi senator.
Kezdesýge qatysýshylar sondaı-aq bilim berý salasynyń ózekti máseleleri týraly, atap aıtqanda, Qazaqstanda rýhanı mádenıetti damytý jóninde usynystar aıtty.
Kezdesý barysynda senatordyń sapary oqytýshylar quramynyń bastamalaryn ilgeriletýdegi mańyzdy qadam bolyp tabylatyny aıtyldy. Lázzat Súleımen ǵalymdar kótergen problemalyq máseleler jan-jaqty zerttelip, keıinnen Senat komıtetiniń jumys otyrystarynyń qaraýyna shyǵarylatynyn atap ótti.