Aqtóbede elikti zańsyz atqan turǵyn ustaldy, dep habarlaıdy Egemen.kz Polisia.kz-ke silteme jasap.
«Kıik» jedel aldyn alý is-sharasy barysynda 11 mamyr kúni Qarǵaly aýdany polısııa bóliminiń qyzmetkerleri túnde Rojdestvo-Donskoe jolynyń 26 shaqyrymynda SsaygYong Nomad avtokóligin súırep kele jatqan 24 jastaǵy júrgizýshiniń basqarýyndaǵy Niva avtokóligin toqtatty.
Tekserý kezinde SsaygYong Nomad kóliginiń júk salǵyshynda eliktiń súıegi men múıizi, IJ-27E markaly 12 kalıbrli, eki uńǵyly ańshy myltyǵy jáne 24 patron tabyldy.
«Ańshylyqqa shyqqan ýaqytta 34 jastaǵy turǵynnyń avtokóligi synyp qalyp, kómekke kórshisin kóligimen shaqyrǵan. QR QK-niń 337-baby 1-bóligi (Zańsyz ańshylyq) boıynsha tergeý amaldary júrgizilýde. Tabıǵatty qorǵaý polısııasy orman jáne ańshylyq sharýashylyǵynyń qyzmetkerlerimen únemi turaqty negizde reıdtik is-sharalar júrgizedi. Jyl basynan beri oblysta balyq aýlaý erejelerin buzýdyń 98 jáne ań aýlaý erejelerin buzýdyń 400-den astam jaǵdaıy tirkeldi. Brakonerlik derekterge qarsy áreket etý – polısııa jumysynyń mańyzdy baǵyttarynyń biri», dep túsindirdi PD JPQB tabıǵatty qorǵaý polısııasy tobynyń aǵa ınspektory Serik Eleýov.
Aıana Toǵanbek