Ataqty akter Saǵat Jylgeldıev ómirden ozdy, dep habarlaıdy Egemen.kz Ǵ.Músirepov atyndaǵy akademııalyq balalar men jasóspirimder teatrynyń baspasóz qyzmetine silteme jasap.
«Teatrymyzdyń akteri, jany jaısań Saǵat Jylgeldıev aǵamyz dúnıeden ótti… Teatr ujymy, áriptesteri marqumnyń jubaıy Jibek Lebaeva men otbasy, týǵan-týystarynyń qaıǵysyna ortaqtasyp, kóńil aıtamyz. Baqul bolyńyz, aǵa! Sizdiń jarqyn beıneńizdi áriptesterińiz, ujym, ózińizdiń súıikti kórermenderińiz máńgi jadynda saqtaıdy», delingen habarlamada.
Saǵat Ermaǵambetuly Jylgeldıev - 1954 jyldyń 12 jeltoqsanynda Qyzylorda oblysy, Jalaǵash aýdany, Aqqyr aýylynda týǵan, Qazaqstannyń eńbek sińirgen ártisi, Eren eńbegi úshin medaliniń ıegeri.
Saǵat Ermaǵambetuly Qazaq drama teatry janyndaǵy teatr stýdııasyn, Qazaq ulttyq konservatorııasynyń akterlik bólimin bitirgen. 1977 jyldan Qazaq balalar men jastar teatry sahnasynda óner kórsetedi. Saǵat Jylgeldıev (I.Saparbaevtyń «Aýyldan kelgen arýynda»), Baıjan (I.Ǵaıyptyń «Altyn ajalynda»), Abdolla (S.Balǵabaevtyń «Eń ádemi kelinsheginde»), Qoja Ahmet Iasaýı (O.Dastanovtyń «Áziret Sultanynda»), Shege, Baıdaly bı, Serdáli (Ǵ.Músirepovtiń «Qyz Jibek», «Ulpan», «Aqan seri – Aqtoqtysynda») t.b. rolderde oınaǵan