Qazaqstandyq Aleksandr Nedovesov Lıon (Fransııa) ATP 250 týrnıriniń juptyq synynda shırek fınalǵa shyqty, dep habarlaıdy Egemen.kz QTF baspasóz qyzmetine silteme jasap.
Qazaqstandyq tennısshi pákistandyq Aısam-ýl-Hak Kýreshımen birge bastapqy kezdesýin fransııalyqtar Iýgo Blanshe – Albano Olıvettımen ótkizdi. Tartysty ótken matchta qazaqstandyq-pákistandyq jup 7:6 (7:5), 7:6 (7:5) esebimen jeńiske jetti. Bir saǵat 45 mınýtqa sozylǵan báseke barysynda Nedovesov pen Kýreshı 7 eıs jasap, 7 breık-poınttyń bireýin paıdalandy.
Qazaqstan-Pákistan juby jartylaı fınalǵa shyǵý úshin osy dodanyń 3-raketkalary, belgııalyqtar Sander Jılle – Ioran Flıgenmen kezdesedi.