Qazaqstandyq boksshy Jaına Shekerbekova Ystanbulda Álem chempıonatynyń qola júldegeri atandy, dep habarlaıdy Egemen.kz.
Bokstan álem chempıonatynda Jaına Shekerbekova (52 kg deıin) taılandtyq Djýtamas Djıtpongtan jeńilip qaldy. Qorytyndy esep 1:4. Jaına Túrkııadaǵy básekeniń qola medaline ıe boldy.
Ol shırek fınalda Italııa namysyn qorǵaıtyn Olesıa Savchýktan, 1/8 kezeńde japonııalyq Kınoshıta Rınkadan, 1-shi kezdesýinde Pýerto-Rıko ókili Melodı Vargastan aılasyn asyrǵan.
Aıta keteıik, bul 32 jastaǵy qazaqstandyq boksshynyń álem chempıonatyndaǵy 3-júldesi. 2016 jyly elordada ótken Álem chempıonatynda qola, eki jyldan soń Delıdegi básekede kúmis medal alǵan. Sondaı-aq Azııa chempıonatynda top jaryp, Azııa oıyndarynda kúmiske qanaǵat tutty.