Bul týraly Memlekt basshysy otandyq bıznes ókilderimen kezdesýinde aıtty, dep habarlaıdy Egemen.kz.
«Básekege qabiletti taýar naryqtarynyń shamadan tys baǵalyq rettelýi eldi jeke ınvestısııalardan aıyrady. Nátıjesinde memleket osyndaı salalarǵa ınvestısııa salýǵa májbúr, sóıtip bıznestegi isi bulyńǵyr, ıkemsiz operatorlardyń sanyn arttyrady. О́te muqııat bolý kerek jáne naryqtyq ekonomıkanyń negizgi prınsıpterinen aýytqymaý qajet. Bul taýar naryqtaryna da, tabıǵı monopolııalar qyzmetteriniń tarıfterine de qatysty», dedi Prezıdent.
Budan soń, Memleket basshysy ınvestısııalyq ahýal týraly aıtyp, osyndaı kúrdeli jaǵdaılardyń ózinde de Eýroodaqtan, AQSh-tan, Qytaıdan, tek qarjylyq qana emes, keń tehnologııalyq quzyretteri bar basqa da elderden ınvestısııalar kólemin saqtaý jáne ulǵaıtý úshin bar kúsh-jigerdi jumsaıtynyn atap ótti.
«Baýyrlas Túrkııa men Ortalyq Azııa elderi mańyzdy saýda-ınvestısııalyq seriktesterge aınalyp keledi. Jolǵa qoıylǵan baılanystar men tizbekterdi saqtaı otyryp, qazirgi daǵdarystan shyǵynsyz shyǵý kerek. Bul jumysty jandandyrý qajet, biraq árıne sanksııalar kontekstin de eskergen jón», dedi Qasym-Jomart Toqaev.