Parlament Senatynyń tóraǵasy Máýlen Áshimbaev jastar arasyndaǵy jumyssyzdyq máselesin kóterdi, dep habarlaıdy Egemen.kz.
Máýlen Áshimbaev málimdegendeı, jastardyń taǵy bir basty máselesi - jumyssyzdyq. Jastar arasyndaǵy jumyssyzdyqtyń resmı deńgeıi salystyrmaly túrde tómen, biraq táýelsiz uıymdardyń balama zertteýleri basqa málimetterdi kórsetedi.
«Táýelsiz uıymdardyń saýalnamalaryna sáıkes, 25-29 jas aralyǵyndaǵy topta respondentterdiń shamamen 12 paıyzy áli turaqty jumys istemegen. Joǵary bilim týraly dıplomy bar qazaqstandyq jastardyń 40 paıyzdan astamy mamandyǵy boıynsha jumys istemeıdi. Osyǵan baılanysty jumys oryndaryn qurýǵa jáne jastar praktıkasyna baǵyttalatyn bıýdjet qarajatyn paıdalanýdyń tıimdiligine qatysty máseleler týyndaıdy», dedi Máýlen Áshimbaev «Jańa Qazaqstan: jastar jáne jańǵyrý» taqyrybyndaǵy parlamenttik tyńdaýda.
Senat Tóraǵasy sondaı-aq jastar kásipkerligin qoldaý jóninde naqty ári pármendi saıasat joq ekenin málimdedi.
«Jastar óz bıznesin ashýdan bas tartýdyń sebebi 32% - dyq bastapqy kapıtaldyń joqtyǵy jáne 18% - dyq ózindik bıznesti qurý úshin bilimniń jetispeıtindigi. Osyǵan baılanysty kásipkerlikti qoldaý baǵdarlamalarynyń tıimdiligine qatysty suraqtar týyndaıdy», dep tolyqtyrdy Senat tóraǵasy.
Aıana Toǵanbek