Bir jyldyń ishinde jasy 29-dan aspaǵan kásipkerlerdiń sany 36%-ǵa ósken. Osylaısha jas kásipkerlerdiń úlesi 18%-ǵa artyp otyr, dep habarlaıdy Egemen.kz Finprom saıtyna silteme jasap.
Sáýir aıynda elimizde jasy 29-ǵa tolmaǵan bıznesmenderdiń sany 211,9 myńǵa jetken, ıaǵnı, bir jylda birden 36,4%-ǵa artqan.
Bul kezeńde jalpy jeke kásipkerlerdiń sany 8,3% ósip, 1,2 mln adamǵa jetken. Bir jyl buryn olardyń jalpy kásipkerlerdiń arasyndaǵy úlesi 14,5% bolsa, bıyl 18,2%-ǵa jetip otyr.
Jynysqa qaraı jiktesek, jas kásipkerler arasynda erlerdiń sany basym – 109,1 er, 102,8 myń áıel. Alaıda aýyldaǵy jas kásipkerlerdiń úlesi áli de bolsa az. Jastar sanatyna jatatyn 158,4 myń kásipker qalada tirkelgen. Al aýyldaǵylardyń úlesi - 25%-dyń aınalasynda. Biraq bıyl aýyldaǵy jas kásipkerlerdiń sany da aıtarlyqtaı ósken – 30,9% nemese 53,4 myń.
Jastar arasynda bólshek jáne kóterme saýda eń tartymdy sala bolyp tur. Munda 73,6 myń adam kásip ashqan.
О́ńirler arasynda Almaty (33 myń) jáne Nur-Sultan (24,7 myń) qalalarynda jas kásipkerler kóbirek tirkelgen. Tizimniń sońynda Soltúistk Qazaqstan (2,6 myń), Pavlodar (5 myń) jáne Aqmola (5,5 myń) oblystary tur. Bir qyzyǵy 6 óńirde jas kásipkerlerdiń arasynda áıelderdiń úlesi basym. Ásirese Mańǵystaý, Shyǵys Qazaqstan, Qaraǵandy oblystary alǵashqy úshtikte. Al Soltústik Qazaqstan (39,2%) jáne Túrkistan (40,5%) oblystarynda názik jandy kásipkerlerdiń úlesi azdaý.