Elordadan Tashkentke ushatyn ushaqtyń jolaýshysy ózimen birge 9 mln teńge alyp ketpek bolǵan. Bul týraly Nur-Sultan qalasy boıynsha Memlekettik kirister departamenti málimdedi, dep habarlaıdy Egemen.kz.
«Áýejaı-Astana» keden beketiniń qyzmetkerleri UQK sheqara qyzmeti men Áýejaı baqylaý qyzmeti mamandarymen birlesip, Nur-Sultan-Tashkent baǵytynda qatynaıtyn áýe reısimen ushatyn jolaýshylardy kedendik baqylaýdan ótkizgennen keıin atalǵan zań buzýshylyqty anyqtady.
«D esimdi azamattyń qoljúgin rentgen arqyly qaraǵannan keıin jolaýshy júk bólimine shaqyryldy. Tekserý barysynda onyń sómkesinen 21 650 AQSh dollary (9 mln teńge) anyqtaldy. Bul derek boıynsha ákimshilik materıal toltyryldy», dep jazylǵan vedomstvo taratqan habarlamada.