Zamanaýı saıası-quqyqtyq ólshem

О́zderińizge málim, 5 maýsymda Konstıtýsııaǵa túzetýler en­gi­zý boıynsha res­pýb­lı­­ka­lyq referendým ótedi. Osy­ǵan baılanysty sarapshylar Ata Zańǵa engiziletin ózgeris­ter­diń mańyzyn talqylady. Atap aıt­qanda, quqyq ústem­digi, demok­ratııalyq proses­ter­di kúsheıtý, bılikti bólý týra­ly ózgerister men tolyq­ty­rý­lardyń máni men maǵynasyn jan-jaqty áńgimeledi.

ZER Club sarapshylar klý­by­nyń otyrysyna belgili qa­zaq­standyq ǵalymdar qatys­ty. Otyrystyń moderatory retinde Eýropalyq quqyq jáne adam quqyqtary boıynsha s­a­rap­­tamalyq ınstıtýttyń dı­rek­tory Marat Bashımov sóz sóılep, referendýmǵa engi­zi­le­tin ózgerister tóńireginde pi­ki­ri­men bólisti.

Spıkerdiń aıtýynsha, qo­ǵam­da, onyń ishinde eńbek ujym­da­rynda ashyq pikir almasý, túsindirý jumystary qar­qyndy júrgizilýi qajet. «Aza­mat­tar memlekettik bılikti atqa­rýǵa jáne de ózderiniń quqyq­tary men bostandyqtaryn qorǵaý maqsatynda berilip otyr­ǵan múmkindikterdiń mánin tereń túsine otyryp, refe­ren­dým­ǵa belsene qatysady dep senemin», dedi ol.

Sonymen qatar jıynǵa Qazaqstan­ Respýblıkasynyń eńbek sińirgen qaıratkeri, zań ǵy­­lym­darynyń doktory, As­tana ha­lyq­aralyq ýnıver­sı­te­­tiniń Quqyq joǵary mek­te­biniń professory Isıdor Borchashvılı, «Intellekt Orda» áleýmettik-gýmanıtarlyq zert­teýlerdi ınteg­rasııalaý halyq­ara­lyq ınstı­tý­tynyń dırektory, tarıh ǵy­lym­darynyń doktory, professor, akademık Sattar Majıtov qatys­ty.

Budan bólek jıyn barysynda Varshava ýnıversıtetiniń professory Iаsek Zalesny, Pıatı­gorsk memlekettik ýnıver­sı­teti zań ınstıtýtynyń dırektory Lıýdmıla Thabısımova sekil­di sheteldik sarapshylar da óz pi­kirin ortaǵa saldy.

Aıta keteıik, ZER Club sarapshylar klýby otyrysynyń maq­saty – elimizdiń saıası júıe­sin keshendi jańǵyrtý boıynsha pikir almasý.