Jańa baǵytqa bet alatyn sát

Semınardyń maqsaty – búkil­ha­lyqtyq referendýmdy daıyndaý týraly jas azamattar ara­syn­­da túsindirý jumystaryn júr­gizý. Is-sharada Ortalyq re­­fe­ren­dým komıssııasynyń tó­raǵasy Nur­lan Ábdirov res­pýb­­­lıkalyq re­­fe­­rendýmdy uıymdastyrý máse­le­­leri­ne toq­ta­ldy. Onyń aıtýynsha, eli­­miz­diń ár túkpirinde túrli oqy­tý se­mı­narlary ótkizilip jatyr.

«Memleketimizdiń jańa baǵyt­qa bet alýy – ómirde izde­niste júrgen jastar úshin asa qajet. Sondyqtan osyndaı semınardyń  ótýine shyn kóńilden qýanyp otyrmyn», dedi N.Ábdirov.

Sondaı-aq spıker Ortalyq referendým komıssııasynyń aı­maqtarǵa sapary jumysyna toq­taldy. Onyń aıtýynsha, Pre­zı­denttiń bastamasymen qolǵa alynǵan joba – aýyl ákim­derin saılaý jurtshylyq arasynda qyzý qoldaýǵa ıe bolyp otyr.

«Aımaqtarǵa sapar barysynda 443 naqty usynys jınaldy. Kezdesýler beıresmı formatta ótti. Búkil Qazaqstandy aralap shyq­tyq, on myńǵa jýyq adammen kez­destik. Onda aıtylǵan usy­nys­tardy eskeremiz, qazir ola­rdy saraptap jatyrmyz», dedi N.Ábdirov.

Ádilet mınıstriniń ory­n­basary Alma Muqanova Kon­s­­­tıtýsııaǵa engiziletin negizgi ózge­rister jaıly túsindirdi. Vıse-mınıstr referendýmda bir ǵana másele – Ata Zańǵa engizi­le­­tin ózgeristerdi qabyldaý jó­ninde saýal qoıylatynyn jet­kiz­di.

«Eger 11 oblystaǵy halyq­tyń kópshiligi jaqtap daýys berse, onda túzetýler qabyldandy dep eseptelinedi. Eger bul kórset­kish­ke qol jetkizilmese, onda túze­­týler qabyldanbaǵan bolyp sana­lady», dedi A.Muqanova.

Jastar ókilderi ózderin tol­ǵan­dyrǵan suraqtaryn qoıyp, oǵan tushymdy jaýap berildi. Is-sharaǵa respýblıkalyq jáne óńirlik jas­tar uıym­da­rynyń basshylary men bel­sen­dileri, óńirlik jastar re­sýrs­­tyq ortalyqtarynyń, oqý oryndarynyń jastar isi jó­nin­degi komıtetteriniń qyz­met­kerleri, Nur-Sultan qala­sy­nyń joǵary oqý oryndarynyń stýdentteri, magıstranttary men doktoranttary qatysty.

Semınardy Ortalyq referendým komıssııasy jáne Prezıdent janyndaǵy Memlekettik basqarý akademııasynyń Elektoraldyq oqytý ortalyǵy uıymdastyrdy. Is-sharaǵa ár aımaqtaǵy jastar men jastar uıymdarynyń ókil­de­ri beıne baılanys reji­min­de qatysty.