Bul týraly Memleket basshysy Qasym-Jomart Toqaev Ulttyq ǵylym akademııasynyń 75 jyldyǵyna arnalǵan saltanatty sessııada aıtty, dep habarlaıdy Egemen.kz.
«Ulttyq ǵylym akademııasy qazir ǵylym týraly ulttyq baıandama ázirleýmen ǵana shektelip otyr. Sondaı-aq, salalyq jýrnaldar shyǵarady. Bar bolǵany – osy», dedi Memleket basshysy.
Prezıdentiń aıtýynsha, shyn máninde akademııanyń áleýeti jáne múmkindigi áldeqaıda zor.
«Búgingi ahýalyna qarap, Akademııanyń bolashaǵy bulyńǵyr dep sanaıtyndar, ókinishke qaraı, az emes. Tipti, akademıkterdiń ózderi de oǵan kúmánmen qaraıdy. Álemdik tájirıbege kóz salsaq, mundaı qurylymdar eki túrli úlgide bolady. Olarǵa memlekettik mártebe beriledi nemese táýelsiz kommersııalyq emes uıym retinde jumys júrgizedi. Biz túrli jaǵdaıǵa baılanysty bir kezde ózgeshe joldy tańdaýǵa májbúr boldyq. Ulttyq ǵylym akademııasy kóptegen qoǵamdyq uıymnyń qataryna qosylyp ketti. Saldary qandaı bolǵanyn qazir kórip otyrmyz. Degenmen, onyń kadrlyq jáne ınstıtýttyq áleýeti áli de joǵary», dedi Prezıdent.
Sondaı-aq ol akademıkter barynsha ashyq ári ádil saılanýy qajet ekenine toqtaldy.
«Jurt uıymǵa múshe bolý rásimderin jáne oǵan úmitkerlerdi tolyǵymen bilip otyrýǵa tıis. Ǵylymı qyzmetpen tikeleı aınalysatyn akademıkterge ómir boıy aı saıyn stıpendııa berý máselesi sheshiledi. Munyń bári Akademııanyń jumysyna tyń serpin berip, bedelin arttyrady. Sondaı-aq, elimizdegi ǵylym salasynyń turaqty damýyna jol ashady», dedi Qasym-Jomart Toqaev.