Memleket basshysy Qasym-Jomart Toqaev Ulttyq ǵylym akademııasynyń 75 jyldyǵyna arnalǵan saltanatty is-sharada eldiń keshendi transformasııasy jolynda qazaqstandyqtardyń rólin atap ótti, dep habarlaıdy Egemen.kz.
«Eldiń keshendi transformasııasy azamattardyń saıası belsendiligin arttyratyny sózsiz. Biraq ol kóbinese popýlızmniń kúsheıýimen sıpattalady. Álemniń kóptegen elderinde oryn alyp jatqan arandatýlardyń aıtarlyqtaı ósýi de qoǵamda qalyptasatyn saıası kózqarastarmen tyǵyz baılanysty», dedi Prezıdent.
Memleket basshysy damyǵan demokratııalyq qoǵam qurý – bul dáıekti jáne júıeli jumys ekenin túsiný kerektigin basa aıtty.
«Bul rette bizdiń elde joǵary saıası jaýapkershilik mádenıeti tamyr jaıý kerek. Sebebi, dál osyndaı mádenıet saıası saladaǵy radıkalızm men popýlızmge qarsy turýdyń basty faktory. Bul jerde kóp nárse qoǵamnyń jetilýine, sanaǵa yqpal etedi. Demokratııa – bul árqaısymyzdyń kúndelikti tynymsyz eńbegimiz. Munda ǵylymı qoǵamdastyqtyń róli de, máni de óte zor. Jalpyrespýblıkalyq referendým jańa ádiletti Qazaqstandy qurýdyń mańyzdy bastamasy bolady», dedi Prezıdent.