Orman sharýashylyǵy jáne janýarlar dúnıesi komıteti kıikterdiń múıizderin tańbalaý erejelerin ázirledi, dep habarlaıdy Egemen.kz.
Erejege sáıkes respýblıka aýmaǵy arqyly tasymaldanatyn taýarlardy kedendik tranzıt rejıminde alyp tastaǵanda kıikterdiń múıizderi tańbalanýǵa jatady.
Kıikterdi zańsyz satyp alý nemese mekendeý ortasynan ajyratý arqyly alynǵan múıizder tańbalaýǵa jatpaıdy.
Kıikterdiń múıizderin tańbalaýǵa arnalǵan buıym (QR-kod) onda tirkelgen derekter negizinde kıikterdiń múıizderin sáıkestendirý, esepke alý úshin biryńǵaı aqparattyq júıemen daıyndalady.
Orman sharýashylyǵy jáne janýarlar dúnıesi komıteti kıikterdiń múıizderin satýdy júzege asyratyn memlekettik monopolııa sýbektileriniń ótinishi negizinde buıymdardy beredi.
Kıikterdiń múıizin Qazaqstan Respýblıkasynan tys jerlerge shyǵarǵysy keletin memlekettik monopolııa sýbektisi quryp ketý qaýpi tóngen jabaıy faýna men flora túrlerimen halyqaralyq saýda týraly konvensııanyń kúshi qoldanylatyn derıvattar Respýblıkasynyń aýmaǵynan eksporttaýǵa nemese keri eksporttaýǵa ruqsat alýǵa ótinish beredi.
Ruqsatty ákimshilik organ quryp ketý qaýpi tóngen jabaıy faýna men flora túrlerimen halyqaralyq saýda týraly konvensııanyń kúshi qoldanylatyn janýarlar túrlerin Qazaqstan Respýblıkasynyń aýmaǵyna ımporttaýǵa, eksporttaýǵa nemese keri eksporttaýǵa ruqsat berý qaǵıdalaryna sáıkes beredi.
Buıymnyń jeke eseptik nómiri ruqsattamada kórsetiledi.
Buıymdy memlekettik monopolııa sýbektisiniń mamany kıiktiń múıizi bar árbir vakýýmdyq pakettiń ishine ony kózben sholyp qaraýdy qamtamasyz etetin jáne qaıta paıdalanýdy boldyrmaıtyn tásilmen jelimdeıdi.
Tańbalanǵan buıymda kelesi aqparat qamtylady: múıizdiń jeke eseptik nómiri, múıiz kóziniń kody, kıiktiń popýlıasııasy, múıizdiń satyp alynǵan kúni, múıizdiń veterınarııalyq-sanıtarııalyq saraptamasynyń nómiri men kúni, buıymnyń nómiri, buıymnyń berilgen kúni.
Qujat 2022 jylǵy 16 maýsymǵa deıin «Ashyq NQA» saıtynda ornalastyrylǵan.