Áleýmettik jelilerde bıýlletenderdi daýys berýge arnalǵan jáshikke salý barysy beınelengen beınerolık tarap júr, dep habarlaıdy Egemen.kz.
Telegram arnalarynyń birinde tarap júrgen beınejazba búgin respýblıkalyq referendým barysynda túsirilgeni aıtyldy. Stopfake.kz bul jalǵan aqparat ekenin rastady.
«Shyn máninde, bul vıdeo 2009 jyly Qyrǵyzstandaǵy prezıdenttik saılaý kezinde túsirilgen. Ony jeliden taýyp, kórýge bolady. Qoldanýshylardyń jazýynsha, zań buzýshylyq Baqaı ata aýdanyndaǵy №6071 ýchaskede jasalǵan», delingen aqparatty tekserýshiler kanalynda.