Qazaqstan Jazýshylar odaǵy basqarmasynyń tóraǵasy, aqyn Ulyqbek Esdáýlet Ankarada júrgen jerinen referendýmǵa daýys bergenin málim etti, dep habarlaıdy Egemen.kz.
Aqyn túrik jurtynyń astanasynda Qazaqstan elshiligine baryp, referendýmǵa daýys bergeni týraly Facebook paraqshasynda jazdy.
«Bas kenttegi saılaýǵa jurt úzdik-sozdyq kelip, Ata zańǵa ún qosýda. Jalpy bul baýyrlas elde Ankara, Ystanbul, Antalııada úsh saılaý ýcheskesi jumys istep jatyr», dep jazdy Ulyqbek Esdáýlet.
Almatydaǵy referendým ýchaskesinde daýys bergen M. Lermontov atyndaǵy memlekettik akademııalyq orys drama teatrynyń dırektory Iýrıı Iаkýshevtyń aıtýynsha, búgingi saıası naýqan óte mańyzdy.
«Búgingi referendým arqyly memleket ár adamǵa óziniń azamattyq ustanymyn kórsetýge múmkindik berdi. О́ıtkeni bizdiń aldaǵy keleshek ómirimiz osyǵan baılanysty bolady. Meniń oıymsha, bul - mańyzdy azamattyq, saıası borysh», deıdi Iýrıı Iаkýshev.