Osy jyly Qaraǵandy oblysynda astyq egý, kartop pen kókónis egý kólemi artty. Kóktemgi dala jumystary aıaqtaldy, dep habarlaıdy Egemen.kz Qaraǵandy oblysy ákimdiginiń baspasóz qyzmetine silteme jasap.
Apparattyq jıynda egis naýqanynyń nátıjeleri jaıly aýyl sharýashylyǵy basqarmasynyń basshysy Asqar Sanaýbarov baıandady: «Oblysta kóktemgi dala jumystary ońtaıly agrotehnıkalyq merzimde aıaqtaldy. Bıylǵy jyly kóktemgi egis kólemi 2021 jylmen salystyrǵanda 30,2 myń gektarǵa artyp, 1 mıllıon 84 myń 900 gektar. Kartop 11,4 myń gektarǵa, kókónis 52 gektarǵa egildi. Bul da byltyrǵydan kóp. Mal azyǵy daqyldary 4,2 myń gektarǵa artyp, 75,9 myń gektar», dep qorytyndylady basqarma basshysy.
Sharýalardyń sort jańartýǵa mán berip, ónimdiligi joǵary jáne elıtalyq tuqymdardy kóbirek paıdalanatyny anyqtaldy. Sonymen qatar egistik alqaptarynyń 40 paıyzǵa jýyǵyn mıneraldy tyńaıtqyshtarmen óńdeý josparlanǵany atap kórsetildi. Buǵan birden-bir sebep - agrotehnologııalardy qoldaný eginniń molaıýyna yqpal etýi.
Basqarma basshysynyń málimetinshe, qazirdiń ózinde ósimdik ósirýshilerge tuqym sharýashylyǵyn damytýǵa jáne mıneraldy tyńaıtqyshtar satyp alýǵa 1,2 mlrd teńge kóleminde sýbsıdııa tólengen.
Oblystyń 132 aýyl sharýashylyǵy taýaryn óndirýshilerdiń egis jumystaryna agrarlyq nesıe korporasııasy qarjylaı qoldaý kórsetti. Egis alqaptaryn shegirtkeden qorǵaý maqsatynda bıýdjetten qarjy bólindi. Jumys maýsym aıyna josparlanǵan.
Arýjan Amangeldi