ASTANA. 22 sáýir. Batys Qazaqstan oblystyq apellıasııalyq sot alqasynyń sýdıasy Habıbýlla Amanqulovtyń páterine ury túsip, 30 myń dollarmen qosa baǵaly zattardy jymqyryp ketken. Bul týraly «Ýralskaıa nedelıa» habarlady.
Aptalyqtyń habarlaýynsha, ázirge oblystyq ishki ister departamenti bul oqıǵa týraly resmı túrde málimet bermegen.
Beıresmı aqparattarǵa qaraǵanda, sýdıanyń jınaqtaı aıtqanda 5,5 mln.-ǵa jýyq teńgesi qoldy bolǵan kórinedi.
«Ýralskaıa nedelıa» basylymynyń tilshisimen telefon arqyly sóılesken Habıbýlla Amanqulov ótken aptada úıine ury túskenin rastaǵan. Al onyń áıeli páterin tonaǵandardy izdestirý maqsatynda polısııaǵa aryz túsirgen.
Amanqulovtyń aıtýynsha, qoldy bolǵan dúnıe-múlik ózine emes, otbasynyń ózge múshelerine tıesili eken. Sondaı-aq, urylar sýdıanyń Aqsaı kentinde jumys isteıtin ulynyń qujattaryn da ala ketipti.
Joldybaı Bazar.
Derekkóz: «Ýralskaıa nedelıa».
Foto: kurer-sreda.ru.