ASTANA. 22 sáýir. «Berıng Vostok» jetekshi ınvestısııalyq qory «Kolıosa» kompanııasyna 15 mln. AQSh dollary kóleminde ınvestısııa quıdy. Bul týraly Tengrinews.kz habarlady.
Búgin «Kolıosa» JShS ózderine «Berıng Vostok» qorynyń 15 mln. dollar ınvestısııa salǵynyn jáne market. kz jobasynyń iske qosylǵanyn jarııalady.
Osyǵan baılanysty «Kolıosa» JShS baqylaýshylar keńesiniń tóraǵasy Mıhaıl Lomtadze: «Bul - qazaqstandyq ınternet tarıhyndaǵy eń úlken kelisim. «Berıng» Vostok» qorlarynda Iаndeks, Ozon jáne Avıto sekildi belgili ınternet-kompanııalaryna qarjy salýdyń ońdy tájirıbesi bar. «Berıng Vostok» syndy halyqaralyq ınvestordyń moıyn burýy bizdiń kompanııanyń damýy men naryqtaǵy pozısııasyn nyǵaıtyp ári keńeıtýge múmkindik beredi», – dedi.
Esterińizde bolar, «Kolıosa» JShS Qazaqstandaǵy avtokólik jáne jyljymaıtyn múlikti satý-satyp alý týraly jarnamalardy ornalastyrý men jarııalaý boıynsha aldyńǵy qatarda tur. Buǵan deıin atalǵan kompanııanyń ıeliginde kolesa.kz, krisha.kz saıttary bolǵan edi. «Kolıosa» JShS dırektory Nıkolaı Babeshkınniń sózine qaraǵanda, jańa qosylǵan market. kz saıty qazaqstandyqtarǵa kez kelgen taýaryn satýǵa, satyp alýǵa múmkindik beredi.
Nıkolaı Babeshkın: «Bizge salynǵan ınvestısııany saıtty damytýǵa jaratamyz. Taıaý arada naryqty kóshbasshy bolýdy basty meje etip otyrmyz», – dedi.
Joǵaryda aıtylǵan kolesa.kz men krisha.kz saıttary 2006 jyly biriktirilgen. Qazirgi tańda kolesa.kz avtokólik naryǵyndaǵy nómiri birinshi, al krisha.kz jyljymaıtyn múlik boıynsha kóshbasshy saıt. 2013 jyly «Kolıosa» kompanııasyn Mıhaıl Lomtadze men Vıacheslav Kım satyp alǵan.
Joldybaı Bazar.
Derekkóz: Tengrinews.kz.
Foto: Tengrinews.kz.