AQTО́BE. 22 sáýir. Aqtóbe oblysy, Hromtaý qalasynda 16 jáne 17 jastaǵy eki bozbala kóligimen adam tasyp, nápaqasyn aıyryp júrgen áıeldi uryp-soǵyp, álimjettikpen astyndaǵy «VAZ» markaly mashınasyn tartyp alyp ketken. Bul týraly «QazAqparat» habarlady.
Oblystyq ishki ister departamenti taratqan derekke qaraǵanda, japa shekken 30 jastaǵy áıel Hromtaýdaǵy «Ýıýt» qonaq úıi mańynan tabylǵan. Jedel túrde aýrýhanaǵa jetkizilip, tıisti em-domyn alǵan júrgizýshi kelinshek esin jıǵan soń ózine shabýyl jasaǵan kúdiktilerdiń túr-túsin polıseılerge aınytpaı aıtyp berdi. Ile álgi jas jigitter tártip saqshylarynyń qolyna tústi.
Aqtóbe oblystyq ishki ister departamenti baspasóz qyzmetiniń ókili Ardager Ýaıdınniń aıtýynsha, 16 jáne 17 jastaǵy eki jigit ýaqytsha ustaý abaqtysyna qamaldy. Qazir olardyń ústinen qylmystyq is qozǵalýda. Al áıeldiń kóligi qala syrtynan tabylǵan.
Joldybaı Bazar.
Derekkóz: «QazAqparat».
Foto: Idrive.kz.