Shymkentte alaıaq áıel úsh jylǵa sottaldy. Bul týraly Polisia.kz saıty málim etti, dep habarlaıdy Egemen.kz.
Jergilikti turǵyn aqsha tabý jolynda eki azamatqa oqýǵa barmaı joǵarǵy oqý ornynyń oqýyn oqyǵany týraly dıplom qujatyn alyp berýge jáne oqý kezeńinde bolatyn emtıhandardy tapsyrmaı ótýine kómektese alatynyn aıtyp, senimderine kirgen. Osylaısha jastardan 100 myń teńge jáne 70 myń teńge qolma-qol alǵan.
Keıinnen oqý jyldary aralyǵynda emtıhandardan ótý úshin jábirlenýshilerden bólip-bólip, árqaısysynan 800 myń teńgeden alyp, bas paıdasyna jaratqan.
Bilikti mamandardan qurylǵan tártip saqshylary shuǵyl-izdestirý jumystaryn júrgizip, kýágerlerden jaýap alyp, aqsha aýdarymdary tekserildi. Nátıjesinde, jedel ýákilder oqý ornynyń burynǵy qyzmetkeri bolǵan kúdiktini anyqtap, ustady. Ol óz isin tolyǵymen moıyndady.
Qylmystyq is dáleldenip, QR QK-niń 190-baby 3-bóliginiń 3-tarmaǵynda (Eki nemese odan da kóp adamǵa qatysty jasalǵan alaıaqtyq) kórsetilgen qylmystyq quqyq buzýshylyqty jasaǵany úshin kináli dep tanylyp, sot úkimimen úsh jyl merzimge bas bostandyǵyn shekteý jazasy taǵaıyndaldy.