9 - 10 maýsym aralyǵynda О́zbekstan memleketinde «О́zbekstan - baqytty ulttar mekeni» atty Respýblıkalyq Qazaq Ulttyq Ortalyǵynyń 30 jyldyq mereıtoıy ótti, dep jazady Egemen.kz.
Shara О́zbekstan Respýblıkasy Táýelsizdik alǵannan qazirgi kúnge deıin kóptegen ulttardyń bir aspan astynda beıbit, bir bolyp ómir súrýlerine jaǵdaı jasap, «etnık» sózine laıyqty damytý men ultaralyq qatynastardy nyǵaıtýda 30 jyl ishinde jasalǵan jumystarmen tanystyrý maqsatynda uıymdastyryldy.
Mereıtoıǵa О́zbekstan Respýblıkasy Mınıstrler kabıneti quzyryndaǵy Ultaralyq qatynastar jáne shet memlekettermen dostyq baılanystary komıtetiniń tóraǵasy Rýstambek Kýrbanov, QR О́zbekstandaǵy tótenshe jáne ókiletti Elshisi Darhan Satybaldy, О́zbekstandaǵy Respýblıkalyq Qazaq mádenı ortylyǵynyń basshysy Úsenov Serik, «Otandastar qory» QeAQ Prezıdenti Abzal Saparbekuly men О́zbekstan aımaǵyndaǵy barlyq aýdandaryndaǵy Qazaq mádenı ortalyqtarynyń basshylary men О́zbekstanda turatyn ózge ult ortalyqtarynyń ókilderi qatysty.
Bul mańyzdy shara qazaqtyń qarlyǵash bıi Tóle bıdiń jatqan jerine zııarat etip, quran baǵyshtaýdan bastaý aldy.
Myrza Ulyqbek atyndaǵy О́zbekstan Ulttyq ýnıversıtetinde ortalyqtyń 30 jyldyǵyna arnalǵan: «О́zbekstan qazaqtary: ekonomıka, ǵylym jáne mádenıet» atty ǵylymı praktıkalyq konferensııasy uıymdastyryldy. Konferensııada «Ortalyqtyń 30 jylda atqarǵan ıgi sharalary», «Qazaqstan men О́zbekstan arasyndaǵy yńtymaqtastyqtyń keleshegi», «Qazaqstan halyqtary Assambleıasynyń ultaralyq qatynastardy damytýdaǵy róli» men «Shet memlekettermen dostyq baılanystarda qandastardyń orny» atty taqyryptar qozǵaldy. Sonymen qatar, Mekembaı Omarulynyń «Tashkent qazaqtary tarıhy jáne mádenı ómiri» atty kitap tusaýkeseri ótti.
Is - shara barysynda birneshe mańyzdy kezdesýler ótti. Atap aıtsaq, Otandastar qory delegasııasy О́zbekstan Respýblıkasy Mınıstrler Kabıneti quzyryndaǵy Ultaralyq qatynastar jáne shet memlekettermen dostyq baılanystar komıteti jáne О́zbekstan «VATANDOSHLAR jamoat fondi» basshylyǵymen kezdesip, eki jaqty birlesken jobalar men tájirıbe almasý taqyryptary talqylandy.
Qashaq mádenı ortalyqtyń 30 jyldyǵyna arnalǵan isshara da Qoja Ahmet Iаsaýı atyndaǵy Halyqaralyq qazaq-túrik ýnıversıteti, Qorqyt ata atyndaǵy Qyzylorda ýnıversıteti, M.Áýezov atyndaǵy Ońtústik Qazaqstan ýnıversıteti, Ońtústik Qazaqstan memlekettiki pedagogıkalyq ýnıversıteti men M.H.Dýlatı atyndaǵy Taraz óńirlik ýnıversıtetteriniń qatysýymen «Bilim» kórmesi uıymdastyryldy.
Mereıtoı Tashkent qalasynyń «Túrkiston» konserttik saraıynda qazaq ulty ókilderiniń kórnekti sýretshileri, qolóner buıymdary jáne jazýshylar kitaptarynyń kórmesi ótti. Eki kúndik baǵdarlamanyń sońynda qazaqstandyq ánshilerdiń qatysýymen ótken gala-konsertpen aıaqtaldy. Gala konsertke elimizdiń tanymal halyq ártisi Maıra Muhambetjanqyzy, J.Shanın teatrynyń ártisteri, estrada ánshileri men Qazyna bı toby, Orkestr ártisteri jáne Opera balet teatrynyń balet toby shaqyrylyp, óz ónerlerin kórsetti.
Konserttik shara «Otandastar qory», Shymkent qalasynyń ákimshiliginiń qoldaýymen uıymdastyryldy.
Aqparat retinde: Búginde О́zbekstan Respýblıkasynda 7 qazaq mádenı ortalyq bar. Atap aıtsaq, Tashkent, Naýaı, Horezm, Býhara, Nýkýs, Syrdarııa. Ár mıdenı ortalyq óz ornalasqan mekenniń atymen atalǵan.
Sonymen qatar 360 qazaq mektebi, 20 dan asa joǵarǵy dárejeli ǵalymdar bar. 3 májilis, 2 senat jáne 500 asa jergilikti keńes depýtattary bar.
О́zbekstan boıynsha búginde 6 qazaq tilinde habar taratatyn buqaralyq aqparat quraldary bar.