Agrarlyq sala jetekshi mamandarynyń QazUAZÝ jazǵy mektebindegi kezdesýi jas zertteýshiler úshin dástúrli is-sharaǵa aınalyp keledi. Zamanýaı tájirıbe jáne ozyq bilimmen bólisýdi maqsat etetin kásibı alańda bul joly Amerıka, Indonezııa, Qytaı, Taıland, Ispanııa, Bolgarııa, Malaızııa sııaqty álemniń 30-dan astam elinen kelgen júzge jýyq maman bas qosty.
Azyq-túlik qaýipsizdigi jónindegi Islam uıymynyń baǵdarlamalar men jobalar dırektory Ismaıl Abdel Hamıd, «Atıab Interneshnl servıs» Bas dırektory Mohıb Ahmed Han (Oman sultandyǵy), Azyq-túlik qaýipsizdigi jónindegi Islam uıymynyń Bas dırektory Erlan Baıdáýlet, QazUAZÝ Basqarma tóraǵasy-rektory Tilektes Espolov, taǵy basqa ǵalymdar agrarlyq salany damytý, álemdegi azyq-túlik qaýipsizdigi turǵysyndaǵy ǵylymı tujyrymdarymen bólisip, halyqaralyq qysqy jáne jazǵy mektepter aýqymdy tájirıbe alańy retinde ǵalamda týyndap otyrǵan kókeıkesti máselelerdi talqylaýǵa zor múmkindik berip otyrǵanyn atap ótti.
Jazǵy mekteptiń ashylý saltanatynda sondaı-aq Amerıka ýnıversıtetiniń professory M.Brodı, Veterınarlyq klınıkanyń janýarlardy reprodýksııalaý jónindegi mamany A.Mıýnıh (Germanııa), Leıda ýnıversıtetiniń professory K.Kolınas (Ispanııa), «Agrarlyq óndiris jáne konsaltıng» kompanııasynyń mamany P.Shobel (Avstrııa), Bolon ýnıversıtetiniń professory A.Mınellı (Italııa), Koreı ulttyq agrarlyq ýnıversıtetiniń ókili, Azyq-túlik, aýyl sharýashylyǵy, orman jáne balyq sharýashylyǵy salasyndaǵy bilim berý, jyljytý jáne aqparat agenttigi Lı Ýon Gyn (Ońtústik Koreıa), Varshava jaratylystaný ǵylymdary ýnıversıtetiniń professory Iý.Mosıı (Polsha), A.Kancheva atyndaǵy ýnıversıtetiniń qaýymdastyrylǵan professory G.Svetelına (Bolgarııa), Eginshilik jáne kókónis sharýashylyǵy ınstıtýtynyń professory D.Karagıch (Serbııa), S.Demırel ýnıversıtetiniń professory Aınur Gıýl Qarahan Chakmakchı (Túrkııa), Memlekettik jerge ornalastyrý ýnıversıtetiniń halyqaralyq qyzmet jónindegi prorektory V.Nılıpovskıı (Reseı), Kasetsart ýnıversıtetiniń professory R.Chavısýk (Taıland), Qazaqstandyq zertteý ortalyǵynyń dırektory, Soltústik-batys aýyl sharýashylyǵy jáne orman sharýashylyǵy ýnıversıtetiniń professory V.Fen (Qytaı), D.Motornyı atyndaǵy Tavrııa memlekettik Agrotehnologııalyq ýnıversıtetiniń rektory S.Kıýrchev (Ýkraına) óz elderine tán jáne ǵalamdyq jaǵdaıdaǵy klımattyq ózgerister, azyq-túlik qaýipsizdigi, adamı kapıtal, tabıǵı ónimder óndirisi men ıntegrasııalyq kelisimderdiń mańyzdylyǵy turǵysynda óz tujyrymdaryn ortaǵa saldy. Búginde ǵalamdyq ózgerister adamzat damýynyń ajyramas bólshegi retinde erekshe nazar aýdarýdy, keshendi zertteýdi qajet etedi. Osy oraıda oı-pikirlerin ortaǵa salǵan árbir sheteldik, otandyq ǵalymdardyń zerrteýleri ózekti. Spıkerlerdiń talqylaýy bıyl on úshinshi jyl qatarynan ótip otyrǵan jazǵy mektep seksııalarynyń jumysyn jandandyra tústi deýge negiz bar. Munda mańyzdy jobalardyń biri retinde agrarlyq ónerkásiptik keshen salasynda zamanaýı bilim men ınnovasııalyq tehnologııalar, sondaı-aq otandyq bilim men ǵylymdy halyqaralyq keńistikke ıntegrasııalaý máseleleriniń ózektiligin aıryqsha atap ótken jón. Bul joly agroónerkásiptik keshendi damytý salasyndaǵy ınnovasııalyq tehnologııalardy meńgerý, arnaıy pánder boıynsha 5 ECTS alý, kásibı jáne tulǵa quzyretin qalyptastyrý da qatysýshylar úshin asa mańyzdy.
Endigi kezekte qatysýshylar agroónerkásiptik kásiporyndarǵa onlaın-týr jasap, 13 baǵyt boıynsha, ıaǵnı «Tabıǵı resýrstardy baǵalaý jáne basqarý máseleleri», «Jasyl ekonomıka», «Aýyl sharýashylyǵyndaǵy ınnovasııalyq tehnologııalar men tehnıkalyq quraldar», «Jer jáne orman resýrstaryn basqarý», «О́simdik sharýashylyǵy ónimderin óndirýdi basqarý», «Organıkalyq jemis-kókónis sharýashylyǵy jáne ósimdikterdi qorǵaý», «Tehnologııa mal sharýashylyǵy ónimderin óndirý», «Bıologııalyq qaýipsizdiktegi veterınarııa», «Agroóńdeý tehnologııalary», «Mal sharýashylyǵy ónimderiniń sapasyn basqarý», «Agrobıznes», «Topyraqtaný, agrohımııa jáne ekologııa», «Klınıkalyq veterınarııa» salalarynyń ozyq jetistikterin ıgerýge qol jetkize alady.
Eki apta ishinde jazǵy mekteptiń qatysýshylary ınnovasııalyq ortalyqtarda, ýnıversıtettiń jáne ǵylymı uıymdardyń zertteý zerthanalarynda, ozyq sharýashylyqtar men kásiporyndarda bilim alyp qana qoımaı, «Startap jobalar» konkýrstary, voleıboldan týrnırlerge qatysyp, teatr, murajaı, kórmeler jáne qalanyń kórikti jerlerimen tanysyp qaıtady.
ALMATY