Ásirese jas býyn ulttyq oıyndardyń mánin, maqsatyn teorııalyq jáne is júzinde tereń uǵynýǵa múmkindik aldy. Túrkistan oblysynyń 14 pen 29 jas aralyǵyndaǵy aýdan, qala jastary arasynda ótken «Kóshpendiler oıyny» atty oblystyq saıys kezinde.
Ulttyq oıyndar arqyly jastardy belsendilikke, tapqyrlyqqa, dáldikke, kóregendilikke jáne kúshtilikke tárbıeleýdi, patrıottyq sezim qalyptastyryp, salt-dástúr, ádet-ǵurypty dáripteýdi maqsat etken saıys Tólebı aýdanynda ótti.
Aýdan ákimdigi uıytqy bolǵan, jergilikti máslıhat qoldaǵan, ishki saıasat bólimi, «Jastar resýrstyq ortalyǵynyń» qyzmetkerleri belsene qatysqan oblystyq «Kóshpendiler oıynyna» jastardan 13 komanda jasaqtalyp, 200-ge jýyq sportshy qatysty. Jamby atý, teńge ilý, ógiz kóterý, aýdaryspaq, toǵyzqumalaq, qazaq kúresi jáne arqan tartýdan synǵa túskender arasynda jeńimpazdar komandalyq eseppen anyqtaldy. Birinshi oryndy Tólebı aýdanynyń sportshylary jeńip alyp, 300 myń teńge aqshalaı syılyqty qanjyǵalaryna baılady. Ekinshi orynǵa kóterilgen Saryaǵash aýdanynyń komandasyna 200 myń teńge buıyrdy. Úzdik úshtikti Jetisaı aýdanynyń sportshylary túıindedi. Olar 150 myń teńge ıelendi. Sondaı-aq saıysqa qatysqan barlyq komandaǵa yntalandyrý syılyǵy tabys etildi. Sporttyń jekelegen túrleri boıynsha jeńimpaz atanǵandar da marapattaldy. Atalmysh saıys jyl saıyn Tólebı aýdanynda turaqty ótetin bolady.
Túrkistan oblysy