Qazaqstandyq aýyr atlet Edige Emberdi jasóspirimder arasyndaǵy álem chempıonatynda altyn medal ıelendi, dep habarlaıdy Egemen.kz Vesti.kz saıtyna silteme jasap.
Meksıkada ótip jatqan álem chempıonatynda qazaqstandyq Edige Emberdi 73 kelide synǵa túsip, qossaıys qorytyndysy boıynsha alǵa shyqty.
Ekinshi oryn ózbekstandyq Dıorbek Ermatovqa buıyrsa, úzdik úshtikti Kanadadan kelgen Braıan Ibanes Gerrero túıindedi.
Eske salaıyq, osyǵan deıin Erasyl Sáýlebekov (67 keli) álem chempıony atansa, Erasyl Omarov (55 keli) pen Aleksandra Belenko (40 keli) týrnırdiń qola júldesimen marapattaldy. Jasóspirimder arasyndaǵy álem birinshiligi maýsym aıynyń 18-ne deıin jalǵasady.